နိုဝင်ဘာလ(၁၀)ရက်နေ့၊ နေပြည်တော်
ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုတားဆီးကာကွယ်ရေးနှင့် တုံ့ပြန်ဆောင် ရွက်ရေးဆိုင်ရာ အမျိုးသားအဆင့်ကော်မတီအစည်းအဝေး(၃/၂၀၂၁)ကို ယနေ့နံနက် (၁၀:၀၀) နာရီတွင် နေပြည်တော်ရှိ   လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဌာန ဝန်ကြီးရုံးစုပေါင်းအစည်းအဝေးခန်းမ၌ ကျင်းပခဲ့ရာ အစည်းအဝေးသို့ ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုတားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုး သားအဆင့်ကော်မတီဉက္ကဋ္ဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဌာန၊ ပြည်ထောင်စုဝန်ကြီး ဒေါက်တာသက်သက်ခိုင်၊ ပဋိပက္ခအတွင်း လိင်ပိုင်းဆိုင်ရာ အကြမ်း ဖက်မှုတားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့်ကော်မတီ ဒုတိယဉက္ကဋ္ဌများဖြစ်ကြသည့်ကာကွယ်ရေးဝန်ကြီးဌာန၊ဒုတိယဝန်ကြီးဗိုလ်ချုပ်အောင်လင်းထွန်း၊ ပြည်ထဲရေးဝန်ကြီးဌာန၊ ဒုတိယဝန်ကြီး ဗိုလ်ချုပ်စိုးတင့်နိုင်၊ အမျိုးသားအဆင့်ကော်မတီ အဖွဲ့ဝင် များဖြစ်ကြသည့် နယ်စပ်ရေးရာဝန်ကြီးဌာန၊ ဒုတိယဝန်ကြီး ဗိုလ်ချုပ်ခွန်သန့်ဇော်ထူး၊ ဉပဒေ ရေးရာဝန်ကြီးဌာန၊ ဒုတိယဝန်ကြီးနှင့် ဒုတိယရှေ့နေချုပ် ဦးစန်းလွင်၊ လူမှုဝန်ထမ်း၊ ကယ်ဆယ် ရေးနှင့် ပြန်လည်နေရာချထားရေးဝန်ကြီးဌာန၊ ဒုတိယဝန်ကြီးဦးအောင်ထွန်းခိုင်နှင့်တကွ အမျိုး သားအဆင့်ကော်မတီဝင် သက်ဆိုင်ရာဌာနများမှ အမြဲတမ်းအတွင်းဝန်များ၊ ညွှန်ကြားရေးမှူး ချုပ်များ၊ ဒုတိယညွှန်ကြားရေးမှူးချုပ်များ၊ မြန်မာနိုင်ငံအမျိုးသမီးရေးရာအဖွဲ့ချုပ် ဉက္ကဋ္ဌနှင့် တာဝန်ရှိသူများတက်ရောက်ခဲ့ကြပါသည်။  
အဆိုပါအစည်းအဝေးတွင်  ပြည်ထောင်စုဝန်ကြီး၊ ဒေါက်တာသက်သက်ခိုင်က အဖွင့် အမှာစကားပြောကြားရာတွင်  ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုတားဆီးကာကွယ် ရေးနှင့် တုံ့ပြန်ဆောင်ရွက်ရေးဆိုင်ရာ  အမျိုးသားအဆင့်လုပ်ငန်းစီမံချက်အား နိုင်ငံတော်စီမံ အုပ်ချုပ်ရေးကောင်စီရုံးသို့ တင်ပြထားရှိရာ လုပ်ထုံးလုပ်နည်းများနှင့်အညီ ဆောင်ရွက်သွားရန် အကြောင်းပြန်ကြားခဲ့ပြီး လုပ်ငန်းစီမံချက်နှင့်စပ်လျဉ်းပြီး လုံခြုံရေး၊ တည်ငြိမ်အေးချမ်းရေးနှင့် တရားဉပဒေစိုးမိုးရေးကော်မတီက သဘောတူခွင့်ပြုသဖြင့် စီမံချက်အား အကောင်အထည်ဖော် ဆောင်ရွက်မည် ဖြစ်ပါကြောင်း၊ ထို့အတွက် ယခုအစည်းအဝေးကို ကျင်းပရခြင်းဖြစ်ပါကြောင်း၊ အမျိုးသား အဆင့်လုပ်ငန်းစီမံချက် အကောင်အထည်ဖော်သည့်နေ့ကစ၍ တစ်နှစ်တိတိ ဆောင် ရွက်သွားရမှာဖြစ်ပါကြောင်း၊ လုပ်ငန်းစီမံချက်ပါလုပ်ငန်းရပ်များအား အကောင်အထည်ဖော် ဆောင်ရွက်သည့်အခါ သက်ဆိုင်ရာဌာနများအနေဖြင့် မိမိတို့ကဏ္ဍအလိုက် အကောင်အထည် ဖော်ရမည့် လုပ်ငန်းများရှိသကဲ့သို့ ဌာနများပေါင်းစပ်ညှိနှိုင်း အကောင်အထည်ဖော်ဆောင်ရွက် ရမည့် လုပ်ငန်းအစီအမံများအား   ပူးပေါင်းဆောင်ရွက်ပေးကြရန် ဖြစ်ပါကြောင်း၊ အမျိုးသား အဆင့်လုပ်ငန်းစီမံချက်နှင့်စပ်လျဉ်းပြီး ဆောင်ရွက်ရန်လျာထားသည့် လုပ်ငန်းရပ်များအပေါ် အကြံပြုဆွေးနွေးပေးကြရန် ပြောကြားခဲ့ပါသည်။ ဆက်လက်၍ ကာကွယ်ရေးဝန်ကြီးဌာန၊ ဒုတိယ ဝန်ကြီးနှင့် ပြည်ထဲရေးဝန်ကြီးဌာန၊   ဒုတိယဝန်ကြီးတို့က  အမှာစကားအသီးသီး ပြောကြား ခဲ့ပါသည်။ 
အစီအစဉ်အရ လူမှုဝန်ထမ်းဦးစီးဌာန၊  ညွှန်ကြားရေးမှူးချုပ်က    အမျိုးသားအဆင့်လုပ် ငန်းစီမံချက် အကောင်အထည်ဖော်ရေးနှင့်စပ်လျဉ်း၍ သက်ဆိုင်ရာဝန်ကြီးဌာန/အဖွဲ့အစည်း များအနေဖြင့် လုပ်ငန်းစီမံချက်ပါ အကောင်အထည်ဖော်မှုများအား  အမျိုးသားအဆင့် ကော်မတီ သို့(၃)လတစ်ကြိမ် အစီရင်ခံစာတင်ပြနိုင်ရေး၊ အမျိုးသားအဆင့်လုပ်ငန်းစီမံချက် အကောင် အထည်ဖော်မှုအား နိုင်ငံခြားရေးဝန်ကြီးဌာနမှတစ်ဆင့် UN သို့ အသိပေးမှုများဆောင်ရွက် နိုင်ရေး၊ တိုင်ကြားမှုနည်းလမ်းများကို ပြည်သူလူထုသို့ ထိရောက်စွာ အသိပေးနိုင်ရေး၊ တိုင်ကြားမှုယန္တရားနှင့်ပတ်သက်၍ ဆောင်ရွက်မှုလုပ်ငန်းစဉ်များအား  သက်ဆိုင်ရာဌာန/ အဖွဲ့ အစည်းများသို့ အသိပေးနိုင်ရေး၊ လုပ်ငန်းကော်မတီအစည်းအဝေးခေါ်ယူကျင်းပရေး စသည့် ဆွေးနွေးတင်ပြမှုအပေါ် ပဋိပက္ခအတွင်းလိင်ပိုင်းဆိုင်ရာ အကြမ်းဖက်မှုတားဆီး ကာကွယ်ရေးနှင့်  တုံ့ပြန်ဆောင်ရွက်ရေးဆိုင်ရာ အမျိုးသားအဆင့်ကော်မတီဝင်များက ဖြည့်စွက်အကြံပြုဆွေးနွေး ခဲ့ကြပြီး  ပြည်ထောင်စုဝန်ကြီးက နိဂုံးချုပ်စကား ပြောကြားကာ အစည်းအဝေးအား နေ့လည် (၁၂:၃၀)နာရီတွင် ရုတ်သိမ်းခဲ့ပါသည်။ ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုတားဆီး ကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့်လုပ်ငန်းစီမံချက်၏ သက်တမ်း ကာလမှာ တစ်နှစ်ဖြစ်ပြီး (၁၀.၁၁.၂၀၂၁)ရက်နေ့မှ စတင်အကောင်အထည်ဖော်ဆောင်ရွက်မည် ဖြစ်ကြောင်း သတင်းရရှိပါသည်။