လူငယ်ရေးရာမူဝါဒ

          လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ကျန်းမာရေး နှင့် အားကစားဝန်ကြီးဌာန၊ ပညာရေးဝန်ကြီးဌာနတို့မှ ဦးဆောင်၍ ဆက်စပ်ဝန်ကြီးဌာနများ၊ ကုလသမဂ္ဂ အဖွဲ့အစည်းများ၊ အစိုးရမဟုတ်သောအဖွဲ့အစည်းများ၊ လူငယ်များနှင့် ပူးပေါင်း ပြီး မြန်မာနိုင်ငံအတွင်းရှိ လူငယ်များဘက်စုံ တိုးတက်သောနိုင်ငံ့သားကောင်းများ ဖြစ်လာ စေရေးအတွက် လူငယ်မူဝါဒ တစ်ရပ် စတင်ရေးဆွဲအကောင် အထည်ဖော်ဆောင်ရွက်ခဲ့ရာ မြန်မာ့လူငယ်ထုအတွက် အောင်မြင်မှု မှတ်တိုင်ဖြစ်သည့် မြန်မာနိုင်ငံလူငယ် ရေးရာမူဝါဒကို ၂၀၁၇ခုနှစ်၊ နိုဝင်ဘာလ (၈)ရက်နေ့တွင်  ပြည်ထောင်စုအစိုးရအဖွဲ့မှ အတည်ပြုပေးခဲ့ပြီး၊ ၂၀၁၈ခုနှစ်၊ ဇန်နဝါရီလ (၅) ရက်နေ့တွင် နေပြည်တော်၊ အပြည်ပြည်ဆိုင်ရာကွန်ဗင်းရှင်း ဗဟိုဌာန(၂)တွင်  နိုင်ငံတော်၏ အတိုင်ပင်ခံ ပုဂ္ဂိုလ်ကိုယ်တိုင် မိတ်ဆက်ဖြန့်ချိပေးခဲ့ပါသည်။

          ဆက်လက်ပြီးတိုင်းဒေသကြီး/ပြည်နယ်များတွင်လူငယ်ရေးရာမူဝါဒထပ်ဆင့် ရှင်းလင်း ပွဲများကို ၂၀၁၈ခုနှစ် ဖေဖော်ဝါရီလနှင့်မတ်လများတွင် အသီးသီးကျင်းပခဲ့ပြီး လူငယ်ရေးရာ မူဝါဒ လက်တွေ့အကောင်အထည်ဖော် ဆောင်ရွက်နိုင်ရေး အမျိုးသားအဆင့် မဟာဗျူဟာ စီမံကိန်းရေးဆွဲရာတွင် ဆက်စပ်ဝန်ကြီးဌာနများ၊ တိုင်းဒေသကြီး/ပြည်နယ် အစိုးရအဖွဲ့များ နှင့်လူငယ်ကိုယ်စားလှယ်များ ပူးပေါင်းဆောင်ရွက်လျက်ရှိပါသည်။  အမျိုးသားအဆင့် မဟာ ဗျူဟာစီမံချက်ရေးဆွဲရေး အစည်းအဝေးများကို (၂၆.၃. ၂၀၁၈) ရက်နေ့တွင် ပထမအကြိမ်နှင့် မေလ(၃)(၄)(၅)ရက် နေ့များတွင် မဟာဗျူဟာရေးဆွဲရေး ဒုတိယအကြိမ် အစည်းအဝေးများ ကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဝန်ကြီးရုံး၊ စုပေါင်းခန်းမတွင် ကျင်းပခဲ့ပါသည်။ အဆိုပါ အစည်းအဝေးများတွင် မဟာဗျူဟာတွင် ပါဝင်မည့် လူငယ်ဆိုင်ရာကဏ္ဍများအား အုပ်စုလိုက်ဆွေးနွေးခြင်း၊ ဌာနဆိုင်ရာများနှင့် ချိတ်ဆက်ဆောင်ရွက်မှုများ၊ ဝန်ကြီးဌာနများမှ လက်ရှိဆောင်ရွက်နေသော လူငယ်များနှင့် သက်ဆိုင်သည့် မဟာဗျူဟာများ၊ စီမံချက်များအား ဆွေးနွေးခဲ့ကြပါသည်။

(၁၁.၆.၂၀၁၈)ရက်နေ့တွင် တိုင်းဒေသကြီး/ပြည်နယ်ကိုယ်စားပြု ပြည်ထောင်စုလူငယ် ကိုယ်စားလှယ် (၁၅)ဦးဖြင့်  ဆွေးနွေးပွဲကျင်းပ ဆောင်ရွက်ခဲ့ပါသည်။ အဆိုပါ အစည်းအဝေး တွင် ဗဟိုလူငယ်ရေးရာ ကော်မတီ၏ တွဲဖက်အတွင်းရေးမှူး နေရာရွေးချယ်ခြင်း၊ TOR များရွေးချယ် သတ်မှတ်ခြင်း၊ လူငယ်အစည်း အဝေးများတွက် ရန်ပုံငွေသုံးစွဲမှုတို့ကို ဆွေးနွေးခဲ့ကြပါသည်။ယခုအခါတိုင်းဒေသကြီး/ပြည်နယ်များတွင်လူငယ်ရေးရာ ကော်မတီ များဖွဲ့စည်းထားရှိပြီး လူငယ်ရေးရာအစည်းအဝေးများ၊ ဆွေးနွေးပွဲများ၊ သင်တန်းများကျင်းပ ဆောင်ရွက်လျက်ရှိပါသည်။