ဖေဖော်ဝါရီ ၈ ၊ နေပြည်တော်

          လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေး အား အာရှနှင့်အမေရိကနိုင်ငံများဆိုင်ရာအဖွဲ့ ဒုတိယအတွင်းရေးမှူး Mr. Ben King ဦးဆောင်သောအဖွဲ့ နှင့် မြန်မာနိုင်ငံဆိုင်ရာ အမေရိကန် သံအမတ်ကြီး H.E Mr. Scot Marciel တို့က ယမန်နေ့တွင် အဆိုပါဝန်ကြီးရုံး မေခလာခန်းမ၌ အသီးသီး လာရောက်တွေ့ဆုံခဲ့ပါသည်။

          အာရှနှင့်အမေရိကနိုင်ငံများဆိုင်ရာအဖွဲ့ ဒုတိယအတွင်းရေးမှူးနှင့် တွေ့ဆုံရာတွင် ပြည်ထောင်စုဝန်ကြီးက မိမိတို့ဝန်ကြီးဌာန၏ အဓိက လုပ်ငန်းဆောင်ရွက်ချက်များ၊ လူကုန်ကူးတိုက်ဖျက်ရေး ဆောင်ရွက်ချက်များ၊ ကလေးသူငယ် အခွင့်အရေးများအတွက် မြန်မာနိုင်ငံမိခင်နှင့်ကလေး စောင့်ရှောက်ရေးအသင်း၊ Unicef, Save the Children နှင့် IOM အပါအဝင် အဖွဲ့အစည်းများနှင့် ပူးပေါင်းဆောင်ရွက်မှုများ၊ မိုင်းအန္တရာယ်ရှင်းလင်းရေး လုပ်ငန်းဆောင်ရွက်နေမှုများ၊ ကလေးသူငယ်အခွင့်အရေးဆိုင်ရာ ဥပဒေအသစ် ရေးဆွဲဆောင်ရွက် ထားရှိမှုများ၊ ပဋိပက္ခဖြစ်ပွားနေသော ဒေသများရှိ ကလေးသူငယ်များအပေါ် ကြီးလေးသော ကျူးလွန်မှု (၆)ရပ်ကို ကာကွယ်တားဆီးရေးလုပ်ငန်းများ၊ ပြန်လည်လက်ခံရေးလုပ်ငန်းစဉ်များ  နှင့် အကြံပြုချက်များ အကောင်အထည်ဖော်ဆောင်ရွက်နေမှုများ၊ ASEAN-ERAT အဖွဲ့နှင့် ပူးပေါင်း ဆောင်ရွက်နေမှုများ၊ ဒုက္ခသည်စခန်းများ ပိတ်သိမ်းရေးအတွက် အမျိုးသားအဆင့်မူဝါဒ ချမှတ် ဆောင်ရွက်နိုင်ရေးနှင့် လူ့စွမ်းအားအရင်းအမြစ် ဖွံ့ဖြိုးတိုးတက်ရေး နယူးဇီလန် အစိုးရနှင့် ဆက်လက်ပူးပေါင်းဆောင်ရွက်မည့်ကိစ္စရပ်များအား ဆွေးနွေးပြောကြားခဲ့ပါသည်။

          Mr.Ben King နှင့်အဖွဲ့က ပြန်လည်ဆွေးနွေးရာတွင် မြန်မာအစိုးရနှင့် နယူးဇီလန် အစိုးရတို့သည် ရှေးယခင် နှစ်ပေါင်းများစွာကတည်းက ဆက်ဆံရေးကောင်း ရှိခဲ့ပါကြောင်း၊ မြန်မာနိုင်ငံ၏ဖွံ့ဖြိုးတိုးတက်ရေး လုပ်ငန်းစဉ်များတွင် စဉ်ဆက်မပြတ်ပံ့ပိုးကူညီရန် အသင့်ရှိပါ ကြောင်း၊ စိုက်ပျိုးရေးကဏ္ဍ၊ စွမ်းအင်ကဏ္ဍ၊ ဘေးအန္တရာယ်စီမံခန့်ခွဲရေးနှင့် အင်္ဂလိပ်စာ တိုးတက်ရေးတို့အတွက် ပညာသင်ဆုများ ပေးအပ်ထောက်ပံ့လျက်ရှိပါကြောင်း၊ သဘာဝဘေးနှင့် ပတ်သက်၍ ICRC နှင့် ပူးပေါင်း၍ ကျွမ်းကျင်မှုဆိုင်ရာ အကြံဥာဏ်များ၊ သင်တန်းများ ဖွင့်လှစ်ပေးရန် အသင့်ရှိပါကြောင်း၊ မိုင်းအန္တရာယ် ကင်းရှင်း ရေးနှင့်ပတ်သက်၍ မြန်မာနိုင်ငံရှိ မိုင်းရှင်းလင်းရေးစင်တာအတွက် နည်းပညာအထောက်အပံ့ပေးလိုပါကြောင်း၊ မြန်မာနိုင်ငံ၏ ဒီမိုကရေစီပြုပြင်ပြောင်းလဲရေးလုပ်ငန်းစဉ်တွင် စိန်ခေါ်မှုများစွာရှိနေသည်ကို မိမိတို့ နားလည် စာနာပါကြောင်း၊ ပြန်လည်လက်ခံရေးလုပ်ငန်းစဉ်များ အဆင်ပြေချောမွေ့စွာ ဆောင်ရွက်နိုင် မည်ဟု မျှော်လင့်ပါကြောင်း ပြန်လည်ဆွေးနွေးခဲ့ကြပါသည်။

          ထို့နောက် အမေရိကန်သံအမတ်ကြီးနှင့်တွေ့ဆုံရာတွင် မြန်မာနိုင်ငံက လူကုန်ကူးမှု တိုက်ဖျက်ရေးလုပ်ငန်းများ၊ လူကုန်ကူးခံရသူများ ပြန်လည်လက်ခံရေးနှင့် ပြန်လည်ထူထောင်ရေး ဆိုင်ရာကိစ္စရပ်များ၊ ပြန်လည်ထူထောင်ရေးဦးစီးဌာနနှင့် လူကုန်ကူးတိုက်ဖျက်ရေးဌာနတို့ပူးပေါင်း ဆောင်ရွက်မှုအခြေအနေများ၊ လူကုန်ကူးခံရသူများ အတွက် ပြန်လည်ထူထောင်ရေးအပိုင်း သာမက အလုပ်အကိုင်ရှာဖွေနိုင်ရေးကိစ္စရပ်များ၊  တိုင်းနှင့်ပြည်နယ်အားလုံးတွင် လူထုအခြေပြု မူးယစ်ဆေးဖြတ်စခန်းများ ဖွင့်လှစ်အကောင်အထည်ဖော်ရေးကိစ္စရပ်များကိုဆွေးနွေးခဲ့ကြကြောင်း သတင်းရရှိပါသည်။