ကိုဗစ်-၁၉ရောဂါကာကွယ်ဆေးထိုးနှံရေးအစီအစဉ်နှင့် ထပ်ဆောင်းကာကွယ်ဆေး (Booster dose) ထိုးနှံရေး အစီအစဉ်တွင် စေတနာ့ဝန်ထမ်းများ၊ ပရဟိတအဖွဲ့အစည်းများ ပူးပေါင်းပါဝင်ရေး

ကိုဗစ်-၁၉ရောဂါကာကွယ်ဆေးထိုးနှံရေးအစီအစဉ်နှင့် ထပ်ဆောင်းကာကွယ်ဆေး (Booster dose) ထိုးနှံရေး အစီအစဉ်တွင် စေတနာ့ဝန်ထမ်းများ၊ ပရဟိတအဖွဲ့အစည်းများ ပူးပေါင်းပါဝင်ရေး ညှိနှိုင်းအစည်းအဝေးကို Virtual ဖြင့် ယနေ့နံနက်ပိုင်းတွင် ကျင်းပပြုလုပ်ခဲ့ရာ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဒေါက်တာ သက်သက်ခိုင်၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ နေပြည်တော်ကောင်စီ၊ တိုင်းဒေသကြီး/ပြည်နယ်များအတွင်း ကိုဗစ်-၁၉ရောဂါကာကွယ်ထိန်းချုပ် ကုသရေး အစီအစဉ်များတွင် ပူးပေါင်းပါဝင်ဆောင်ရွက်လျက်ရှိသော စေတနာ့ဝန်ထမ်း၊ ပရဟိတ အဖွဲ့အစည်း များမှကိုယ်စားလှယ်များ စုစုပေါင်း(၇၀)ဦး Virtual ဖြင့် တက်ရောက်ခဲ့ကြပါသည်။
    ပြည်ထောင်စုဝန်ကြီးက အဖွင့်အမှာစကားပြောရာတွင် ကိုဗစ်-၁၉ရောဂါပိုးကို ၂၀၂၀ပြည့်နှစ်၊ မတ်လမှာ မြန်မာနိုင်ငံမှာ စတင်တွေ့ရှိချိန်မှစ၍ ယနေ့ထိ(၂၄)လကြာပြီဖြစ်ကြောင်း၊ ပထမလှိုင်း၊ ဒုတိယလှိုင်း၊ တတိယလှိုင်းကာလအတွင်း စေတနာ့ဝန်ထမ်းများကအသက်ကို ပဓာနမထားဘဲဝိုင်းဝန်းကူညီဆောင်ရွက်ပေးခဲ့ပါကြောင်း တတိယလှိုင်းဖြစ်ပွားခဲ့သည့် ၂၀၂၁ ခုနှစ်၊ ဇူလိုင်လပိုင်းအတွင်း ရောဂါဖြစ်ပွားမှုအမြင့်ဆုံးဖြစ်ခဲ့ပြီး၊ စက်တင်ဘာလပိုင်းမှာထိန်းချုပ်နိုင်ခဲ့ ပါကြောင်း၊ ပြည်သူများနှင့်စေတနာ့ဝန်ထမ်းများ၏ ညီညွတ်စွာပူးပေါင်းမှုကြောင့် ရရှိသည့်ရလာဒ် ဖြစ်ပါကြောင်း၊ယခုအခါနောက်ထပ်မျိုးကွဲသစ်အိုမီခရွန်ကို နိုင်ငံပေါင်း(၁၅၀)ကျော်မှာတွေ့ရှိ ရပါကြောင်း၊ မြန်မာနိုင်ငံတွင်လည်းကူးစက်ခံရသူ(၆၀)ကျော်ရှိလာပြီဖြစ်ပါကြောင်း၊ စတုတ္ထလှိုင်း မဖြစ်စေရေး ကာကွယ်ဆေးလက်ဦးထားရန်လိုအပ်ကြောင်း၊ ၂၀၂၁ ခုနှစ်၊ ဒီဇင်ဘာလအထိ ကာကွယ်ဆေး(၅၇%)ကျော်ထိုးပြီးဖြစ်ကြောင်း၊ ဆေးထိုးပြီး(၆)လကျော်လာပါက ကိုဗစ်ရောဂါပိုးကို ခုခံနိုင်သည့်အားကျဆင်းလာနိုင်သည့်အတွက် ထပ်ဆောင်းကာကွယ်ဆေး Booster ထိုးရန်လိုအပ်ပါ ကြောင်း၊ သို့ဖြစ်၍ နိုင်ငံတော်က ထပ်ဆောင်းကာကွယ်ဆေးထိုးနှံပေးရန် စီစဉ်ဆောင်ရွက်နေပါ ကြောင်း၊ Booster ထိုးနှံခြင်းကို ဦးစားပေးအုပ်စုအလိုက် သတ်မှတ်ထိုးနှံပေးနေပါကြောင်း၊ စတုတ္ထ လှိုင်းအတွက်ကြိုတင်ပြင်ဆင်မှုများလည်း ဆောင်ရွက်လျက်ရှိပါကြောင်း၊ စေတနာ့ဝန်ထမ်းများကို အသိအမှတ်ပြု ဂုဏ်ပြုမှတ်တမ်းလွှာ ပေးအပ်နိုင်ရေးစီစဉ်လျက်ရှိပါကြောင်း၊  စေတနာ့ဝန်ထမ်းများ ကို လှိုက်လှဲစွာ ကျေးဇူးတင်ကြောင်းပြောကြားခဲ့ပါသည်။
လူမှုဝန်ထမ်းဦးစီးဌာန၊ ညွှန်ကြားရေးမှူးချုပ်က ကိုဗစ်-၁၉ မျိုးရိုးဗီဇကွဲ အိုမီခရွန်သည် နိုင်ငံပေါင်း(၁၅၀)ကျော်မှာကူးစက်ဖြစ်ပွားနေကြောင်း၊ လူ(၅)သိန်းကျော်ကူးစက်ခံနေရပြီး၊ (၁၁၅)ဦး သေဆုံးခဲ့ကြောင်း၊ မြန်မာနိုင်ငံမှာလည်း နိုင်ငံခြားပြန်များတွင်တွေ့ရှိ ခြင်းဖြစ်၍ ကာကွယ်ဆေးနှင့် အသိပညာပေးများတိုးချဲ့ဆောင်ရွက်ရန်လိုအပ်သည်အတွက် စေတနာ့ ဝန်ထမ်းများမှကူညီပေးစေလို ကြောင်း၊ ထပ်ဆောင်းကာကွယ်ဆေး Booster dose ထိုးနှံရေးအစီအစဉ်များတွင် စေတနာ့ ဝန်ထမ်းများပူးပေါင်းဆောင်ရွက်ပေးစေလိုကြောင်း နိုင်ငံတော်အနေဖြင့် ဆောင်ရွက်သွားမည့် Booster dose ထိုးနှံမည့် အစီအစဉ်အား ရှင်းလင်းတင်ပြခဲ့ပါသည်။ 
ပရဟိတအဖွဲ့များအလိုက် ဆွေးနွေးတင်ပြကြရာတွင် စေတနာ့ဝန်ထမ်းစိစစ်ရေးကဒ်များ မရရှိ ကြသေးသူများအတွက် ထပ်မံဆောင်ရွက်ပေးနိုင်ရေး၊  ကျန်းမာရေးသုံးပစ္စည်းလိုအပ်မှု၊ အစားအ သောက်နှင့် စက်သုံးဆီလိုအပ်မှုများ၊ အသင်းပိုင်လူနာတင်ယာဉ်များသွားလာရေး၊ သယ်ယူရေးဆိုင်ရာ ကိစ္စများ၊ မြေပြင်တွင်အဖွဲ့အလိုက်ဆောင်ရွက်လျက်ရှိရာတွင် ကြုံတွေ့နေရသည့်အခြေအနေများနှင့် အကြံပြုချက်များကို ဆွေးနွေးတင်ပြကြပါသည်။
နိဂုံးချုပ်အနေဖြင့် ပြည်ထောင်စုဝန်ကြီးက  စေတနာ့ဝန်ထမ်းများအား အလုပ်လုပ်သည့်အခါ စာရွက်စာတမ်းများစနစ်တကျရှိဖို့မှာကြားလိုကြောင်း၊ သက်ဆိုင်ရာမြို့နယ်စေတနာ့ဝန်ထမ်းအဖွဲ့ များနှင့်ချိတ်ဆက်ဆောင်ရွက်ရန်လိုအပ်ကြောင်း၊ သို့မှသာ တိုင်းဒေသကြီး/ ပြည်နယ်အစိုးရအဖွဲ့ များမှသိရှိပြီး လိုအပ်သည်များထောက်ပံ့နိုင်မှာဖြစ်ကြောင်း၊ ပရဟိတအဖွဲ့အစည်းများ အချင်းချင်း ကွန်ယက်သဖွယ်ချိတ်ဆက်ဆောင်ရွက်ခြင်းမှာ အလွန်ကောင်းမွန်ပါကြောင်း၊စေတနာ့ဝန်ထမ်းများ၏ လိုအပ်ချက်များကို မှတ်သားထားပြီး ဆက်လက်တင်ပြပေးသွားမှာဖြစ်ကြောင်း၊ ကိုဗစ်ကူးစက်မှု ရာခိုင်နှုန်း လျော့နည်းလာခြင်းကြောင့်  ပြည်သူများလိုက်နာမှုအားနည်းလာသည့်အတွက် အသိ ပညာပေးခြင်းများကိုဆက်လက်ဆောင်ရွက်စေလိုကြောင်း၊ ထပ်ထောင်းကာကွယ်ဆေး Booster dose  ထိုးနှံရေးမှာလည်း ပူးပေါင်းပါဝင်စေလိုကြောင်း၊ စေတနာ့ဝန်ထမ်းများအတွက်ဂုဏ်ပြု မှတ်တမ်းလွှာကိုနိုင်ငံတော်အဆင့် ဆောင်ရွက်ပေးမှာဖြစ်သည့်အတွက် ဂုဏ်ယူစေလိုကြောင်း ပြောကြားပြီး အစည်းအဝေးကို မွန်းလွဲပိုင်းတွင် ရုပ်သိမ်းခဲ့ကြောင်း သတင်းရရှိပါသည်။
 

FacebookTwitter

နောက်ဆုံးရသတင်းများ