နေပြည်တော်၊ ၁၁.၇.၂၀၁၈

          အိန္ဒိယနိုင်ငံသည် မြန်မာနိုင်ငံ၏ မိတ်ဆွေနိုင်ငံပီသစွာဖြင့် ရခိုင်ပြည်နယ်တည်ငြိမ် အေးချမ်းရေးနှင့်ဖွံ့ဖြိုးရေးအတွက် အကူအညီပေးရေးအတွက် ကိစ္စနှင့်စပ်လျဉ်း၍ဆွေးနွေးရန် မြန်မာနိုင်ငံဆိုင်ရာ အိန္ဒိယနိုင်ငံ သံအမတ်ကြီး H.E Mr. Vikram Misri သည် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ၀င်းမြတ်အေးအား ယနေ့မွန်းလွဲပိုင်းတွင် အဆိုပါဝန်ကြီးရုံး မေခလာခန်းမ၌ လာရောက်တွေ့ဆုံ ခဲ့ပါသည်။

          ထိုသို့တွေ့ဆုံရာတွင် ရခိုင်ပြည်နယ်ဖွံ့ဖြိုးတိုးတက်ရေးအတွက် မြန်မာ-အိန္ဒိယနှစ်နိုင်ငံ သဘောတူညီမှုစာချွန်လွှာ(MoU)ရေးထိုးပြီး စီမံကိန်းများဆောင်ရွက်ရာတွင် အကျိုးရှိရှိ၊ ထိရောက်စွာ ဆောင်ရွက်နိုင်ရေးအတွက် သက်ဆိုင်ရာဝန်ကြီးဌာနများ၊ လွှတ်တော်ကိုယ်စားလှယ်များနှင့် ရခိုင်ပြည်နယ်အစိုးရတို့နှင့် ညှိနှိုင်းဆောင်ရွက်နေမှုများ၊ စီမံကိန်းများအကောင်အထည်ဖော်ရာတွင် လျင်မြန်ထိရောက်စွာ ဆောင်ရွက်နိုင်ရေးကိုသာ ဦးစားပေးရန်ဖြစ်ပြီး MoU အရ တစ်နှစ်လျှင် အမေရိကန်ဒေါ်လာ(၅)သန်း ထောက်ပံ့မည်ဟုဆိုသော်လည်း စီမံကိန်းလိုအပ်ချက်အပေါ်မူတည်၍ နှစ်အလိုက် ပိုမိုသုံးစွဲရန် ထောက်ပံ့မည့်ကိစ္စရပ်များအား ရင်းနှီးပွင့်လင်းစွာဆွေးနွေးခဲ့ကြောင်း သတင်းရရှိပါသည်။