ပြည်ထောင်စုဝန်ကြီးဒေါက်တာဝင်းမြတ်အေး လူကုန်ကူးမှုဆိုင်ရာ ၂၀၁၈ခုနှစ်အစီရင်ခံစာပါ အကြံပြုတိုက်တွန်းချက်(၁၀)ချက်အပေါ် ညှိနှိုင်းအစည်းအဝေး တက်ရောက်

ဇန်နဝါရီ ၇၊ နေပြည်တော်

             အမေရိကန်နိုင်ငံ၊ နိုင်ငံခြားရေးဝန်ကြီးဌာန၏ လူကုန်ကူးမှုဆိုင်ရာ ၂၀၁၈ ခုနှစ်အစီရင်ခံစာပါ အကြံပြုတိုက်တွန်းချက်(၁၀)ချက်အပေါ်ညှိနှိုင်းအစည်းအဝေးကိုယနေ့ မွန်းလွဲပိုင်းတွင် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ အစည်းအဝေးခန်းမ၌ ကျင်းပရာ ပြည်ထောင်စုဝန်ကြီးဒေါက်တာဝင်းမြတ်အေး တက်ရောက် အမှာစကားပြောကြားခဲ့ပါသည်။

             ပြည်ထောင်စုဝန်ကြီးကပြောကြားရာတွင် မြန်မာနိုင်ငံအနေဖြင့် လူကုန်ကူးမှု တိုက်ဖျက် ရေးလုပ်ငန်းများကို ကြိုးပမ်းအားထုတ်ဆောင်ရွက်နေပါကြောင်း၊ အမေရိကန် နိုင်ငံ၏ အစီရင်ခံစာပါ အကြံပြုတိုက်တွန်းချက်အရ Tier အဆင့်သတ်မှတ်ချက် အမျိုးမျိုးဖြင့် မြန်မာနိုင်ငံသည် ရပ်တည်ခဲ့ပါကြောင်း၊ အမေရိကန်နိုင်ငံသည်၎င်းတို့၏ ၂၀၀၀ပြည့်နှစ် လူကုန်ကူးခံရသူများ ကာကွယ်စောင့်ရှောက်ရေးအက်ဥပဒေ (Trafficking Victims Protection Act-TVPA)ပါစံနှုန်းများနှင့် နိုင်ငံများအားကိုက်ညီမှုရှိ/မရှိတိုင်းတာ၍ နှစ်စဉ် အစီရင်ခံစာများ ထုတ်ပြန်ပြီး အဆင့်များသတ်မှတ်၍ အကြံပြုချက်များကို နှစ်စဉ်ထုတ်ပြန် ကြေညာလေ့ရှိကြောင်း၊ မိမိတို့ဝန်ကြီးဌာနသည် လူမှုကာကွယ်စောင့်ရှောက် ရေး လုပ်ငန်းများဖြစ်သော လူငယ်များ၏အလုပ်အကိုင်အခွင့်အလမ်းဖော်ဆောင်ပေးရန်မှာ အရေးကြီးပါကြောင်း၊ လူကုန်ကူးခြင်းသည် လူမှုကာကွယ်စောင့်ရှောက်မှု၊ စီးပွားရေး ဖွံ့ဖြိုး တိုးတက်မှု၊ ငြိမ်းချမ်းရေးလုပ်ငန်းစဉ်တို့နှင့်လည်းဆက်စပ်နေကြောင်း၊ တိုက်ပွဲရှောင်စခန်း များနှင့် အခြားဘေးရှောင်စခန်းများမှပြည်သူများမှာ လူကုန်ကူးခံရနိုင်သည့် ဖြစ်နိုင်ခြေ အခြေအနေများ တွေ့ရှိရသောကြောင့် ၎င်းတို့အတွက် အသက်မွေးဝမ်းကျောင်းပညာနှင့် အလုပ်အကိုင်အခွင့်အလမ်းများကို ပိုမိုဖန်တီးပေးနိုင်ရန်လိုအပ်ကြောင်း၊   မိမိတို့နိုင်ငံနှင့် လူမျိုးအတွက် အကောင်းဆုံးကြိုးပမ်းဆောင်ရွက်ရာတွင် သတင်းအချက်အလက်များ ကူညီပေးစေရန် ယခုကဲ့သို့ညှိနှိုင်းအစည်းအဝေးဆောင်ရွက်ရခြင်းဖြစ်ကြောင်း၊ လူကုန်ကူးမှု တိုက်ဖျက်ရေးလုပ်ငန်းများသည် မိမိတို့ဝန်ကြီးဌာနနှင့် သက်ဆိုင်ရာဝန်ကြီးဌာနများ၊ ကုလသမဂ္ဂအဖွဲ့အစည်းများ၊ လူမှုရေးအဖွဲ့အစည်းများတို့ဖြင့် ပူးပေါင်းဆောင်ရွက်မှသာ ထိထိရောက်ရောက်ဆောင်ရွက်နိုင်မှာဖြစ်ကြောင်း ပြောကြားခဲ့ပါသည်။

                အစည်းအဝေးသို့ ဒုတိယဝန်ကြီးဦးစိုးအောင်၊ ညွှန်ကြားရေးမှူးချုပ်များ၊ သက်ဆိုင်ရာဝန်ကြီးဌာနများမှ တာဝန်ရှိသူများ၊ ကုလသမဂ္ဂအဖွဲ့အစည်းများနှင့် အစိုးရ မဟုတ်သောအဖွဲ့အစည်းများ တက်ရောက်ခဲ့ကြပြီး မြန်မာနိုင်ငံ၏ ဆောင်ရွက်လျက် ရှိသော လုပ်ငန်းများကို သက်ဆိုင်ရာဌာနများပူးပေါင်း၍ ထုတ်ပြန်ဖော်ပြနိုင်ရန်နှင့် ရှေ့လုပ်ငန်းစဉ် များအား အကောင်အထည်ဖော်ဆောင်ရွက်သွားရန် ဆွေးနွေးညှိနှိုင်းခဲ့ကြကြောင်း သတင်းရရှိပါသည်။