ရှေးဦးအရွယ်ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်း မွန်ပြည်နယ် ကြီးကြပ်ရေးအဖွဲ့၏ ဦးဆောင်မှုဖြင့်  မွန်ပြည်နယ်အတွင်းရှိ ပုဂ္ဂလိကမူလတန်းကြိုကျောင်းများမှ တာဝန်ရှိသူများအား (၂၈.၅.၂၀၂၅)ရက်၊ မွန်းလွဲ(၁၃:၀၀) နာရီအချိန်တွင် ပြည်နယ်လူမှုဝန်ထမ်းရုံး၊ အစည်းအဝေးခန်းမ၌ ရှေးဦးအရွယ်ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်း ဥပဒေ (၂၀၁၈) အသိပညာပေးခြင်းကို ကျင်းပပြုလုပ်ခဲ့ပါသည်။
    အဆိုပါ အသိပညာပေး အခမ်းအနားတွင် မွန်ပြည်နယ်လူမှုဝန်ထမ်းရုံး ညွှန်ကြားရေးမှူး ဒေါ်ယဉ်ယဉ်ပြုံးက လုပ်ငန်းဥပဒေ (၂၀၁၈) အသိပညာပေး ရှင်းလင်းရခြင်း၏ ရည်ရွယ်ချက်၊ မွန်ပြည်နယ်အတွင်း တည်ထောင်ခွင့်ပြုမိန့် ရရှိထားပြီးသော ကိုယ့်အားကိုယ်ကိုးမူလတန်းကြိုကျောင်းများနှင့် ပုဂ္ဂလိကမူလတန်းကြိုကျောင်းများ ဖွင့်လှစ်ထားမှုအခြေအနေ၊ တည်ထောင်ခွင့်ပြုမိန့်မရရှိဘဲ ဖွင့်လှစ်ထားရှိသည့် မူလတန်းကြိုကျောင်းများ၏ အခြေအနေ၊ ECCD လုပ်ငန်းကြီးကြပ်ရေးအဖွဲ့ဆောင်ရွက်မှု အခြေအနေများကို ရှင်းလင်းပြောကြားခဲ့ပါသည်။
    ထို့နောက် မွန်ပြည်နယ်လူမှုဝန်ထမ်းရုံး လက်ထောက်ညွှန်ကြားရေးမှူး ဒေါ်ဝင်းဝင်းမာက ECCD လုပ်ငန်းဥပဒေပါ အခန်းများ၊ မူလတန်းကြိုကျောင်းများ တည်ထောင်ဖွင့်လှစ်ရာတွင် လျှောက်ထားရမည့် သတ်မှတ်ပုံစံများ ပြစ်မှုပြစ်ဒဏ်များ၊ တည်ထောင်ခွင့်ပြုမိန့်ရရှိပြီးပါက ပေးသွင်းရမည့် မှတ်ပုံတင်ကြေးနှင့် သတ်မှတ်ဦးရေအလိုက် ပေးသွင်းရမည့်နှုန်းထားများ၊ လူမှုဝန်ထမ်းဦးစီးဌာနမှ မူလတန်းကြိုကျောင်းများအတွက် ညွှန်ကြားထားသည့် လမ်းညွှန်ချက်များအား Power Pointဖြင့် အသေးစိတ် ရှင်းလင်းဆွေးနွေးခဲ့ပါသည်။
    ထို့နောက် တက်ရောက်လာကြသူများမှ သိရှိလိုသည်များကို ပြန်လည်ဖြေကြားပြီး အသိပညာပေးခြင်းကို မွန်းလွဲ (၁၄း၀၀)နာရီတွင် ရုပ်သိမ်းခဲ့ပါသည်။ အသိပညာပေးခြင်းသို့ မော်လမြိုင်ခရိုင်အတွင်းရှိ မြို့နယ် (၅) မြို့နယ်မှ ပုဂ္ဂလိမူကြိုတည်ထောင်ဖွင့်လှစ်သူများ၊ ဆရာမများ၊ စုစုပေါင်း (၆၀)ဦး တက်ရောက်ခဲ့ပါသည်။