အသက်(၃)နှစ်မှ (၅)နှစ်၊ ရှေးဦးအရွယ်ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေး ဆိုင်ရာ(အခြေခံ)သင်တန်းကို (၉.၆.၂၀၂၅)ရက်နေ့မှ (၂၉.၆.၂၀၂၅)ရက်နေ့အထိ မွန်ပြည်နယ် လူမှုဝန်ထမ်းရုံး၊ အစည်းအဝေးခန်းမ၌ ကျင်းပပြုလုပ်ရာ သင်တန်းသူ/ သင်တန်းသား(၂၉)ဦး တက်ရောက်ခဲ့ပါသည်။
    အဆိုပါ သင်တန်းတွင် လူမှုဝန်ထမ်းလုပ်ငန်းရပ်များအား ရှင်းလင်းပြောကြားခြင်း၊ မသန်စွမ်းကလေးများစောင့်ရှောက်ခြင်း၊ ကလေးဖွံ့ဖြိုးမှု၊ ECCD Law & Policy ၊ CRC/ CRL ၊ အကူးအပြောင်းကာလအရေးကြီးပုံ၊ အထူးပြုစုစောင့်ရှောက်ရန် လိုအပ်သောကလေးများအား ပြုစုစောင့်ရှောက်ခြင်း၊ ကလေးသဘောသဘာဝနှင့် လိုအပ်ချက်၊ သင်ယူမှု၏ အခြေခံအုတ်မြစ်များ၊ သင်ယူမှုပုံစံ၊ ကစားခြင်းဖြင့်သင်ကြားခြင်း၊ ကစာခြင်းမရှိလျှင် ဖွံ့ဖြိုးခြင်းမရှိနိုင်၊ ကလေးများနှင့် အတူလုပ်ကိုင်ခြင်း၊ ကြည့်ရှု့လေ့လာခြင်း၊ တေးဂီတဖြင့်သင်ကြားခြင်း၊ သင်ရိုးညွှန်းတမ်းနှင့် သင်ရိုးမာတိကာ၊ သင်ထောက်ကူပစ္စည်းများပြုလုပ်ခြင်း၊ ဘာသာစကားဖွံ့ဖြိုးမှု၊ အစောပိုင်းကာ စာတတ်မြောက်မှု၊ တစ်နေ့တာလိုအင်နှင့် စာသင်ခန်းဖွဲ့စည်းပုံ၊ သင်ယူရန်နေရာများ၊  သင်ခန်းစာ အစီအစဉ်များရေးဆွဲခြင်း၊ မိဘအသိပညာပေးခြင်း၊ ပတ်ဝန်းကျင်အခြေပြုသင်ကြားခြင်း၊ လက်မှုအနုပညာဖြင့်သင်ကြားခြင်း၊ အခြေခံပန်းချီဖြင့်သင်ကြားခြင်း၊ ပုံပြင်သင်ကြားခြင်း နည်းလမ်းများ၊ လက်တွေ့ပုံပြင်ပြောကြားခြင်း၊ ပုံပြင်စာအုပ်ပြုလုပ်ခြင်း၊ ပညာရေးဒီဂရီကောလိပ်မှ ကလေးစိတ်ပညာ၊ ပြည်နယ်ကြက်ခြေနီတပ်ဖွဲ့မှ ရှေးဦးသူနာပြုစုခြင်းများ၊ ပြည်နယ်ပြည်သူ့ ကျန်းမာရေးဦးစီးဌာနမှ ကျန်းမာရေးနှင့် အာဟာရဘာသာရပ်နှင့် ကွင်းဆင်းလေ့လာခြင်းများ သင်ကြား ပို့ချပေးခဲ့ပါသည်။
    ထို့နောက် (၃၀.၆.၂၀၂၅)ရက်နေ့၊ နံနက်ပိုင်းတွင် သင်တန်းဆင်းပွဲပြုလုပ်ခဲ့ရာ မွန်ပြည်နယ်အစိုးရအဖွဲ့၊ လူမှုရေးရာဝန်ကြီးမှ သင်တန်းအဖွင့်အမှာစကားပြောကြားခြင်း၊ သင်တန်းဆင်းလက်မှတ်များ ချီးမြှင့်ပေးခြင်း၊  သင်ထောက်ကူပစ္စည်းများ လိုက်လံကြည့်ရှုခဲ့ပါသည်။