ကလေးသူငယ်အခွင့်အရေးများနှင့်ပတ်သက်၍ ကလေးများအား အသိပညာပေးဟောပြောပွဲကျင်းပခြင်း (မြိတ်မြို့)
တနင်္သာရီတိုင်းဒေသကြီး၊ မြိတ်မြို့၌ ကလေးသူငယ်အခွင့်အရေးများနှင့်ပတ်သက်၍ ကလေးများအား အသိပညာပေးဟောပြောပွဲကို ဩဂုတ်လ(၁၄)ရက်၊ နံနက်(၁၀:၀၀)အချိန်တွင် အထက(၂)ကျောင်းခန်းမ၌ ကျင်းပခဲ့ပါသည်။
အသိပညာပေးဟောပြောပွဲတွင် လူမှုဝန်ထမ်းဦးစီးဌာန၊ မြိတ်ခရိုင်လူမှုဝန်ထမ်းရုံးမှ ဒုတိယညွှန်ကြားရေးမှူး၊ ဒေါ်ကြည်အေးနှင့် ဦးစီးအရာရှိ၊ ဒေါ်သီသီအေးတို့မှ ကလေးသူငယ်အခွင့်အရေးများဆိုင်ရာဥပဒေပါ ကလေးသူငယ်အခွင့်အရေးများ၊ ကလေးသူငယ်ကာကွယ်စောင့်ရှောက်ရေး၊ အဆိုးရွားဆုံးပုံစံဖြင့် ခိုင်းစေခြင်းခံရသော ကလေးအလုပ်သမားများအကြောင်း၊ ကျား/မ အခြေပြုအကြမ်းဖက်မှုနှင့် လိင်ပိုင်းဆိုင်ရာအကြမ်းဖက်မှု အကြောင်းအရာများကို အသိပညာပေးဟောပြောခဲ့ပါသည်။