တနင်္သာရီတိုင်းဒေသကြီး၊ ထားဝယ်မြို့၊ မြို့တော်ခန်းမတွင်  “အရှိန်အဟုန်ဖြင့် တိုးတက်ရေး အမျိုးသမီးများတွင် မြှပ်နှံပေး” ဟူသော ဆောင်ပုဒ်နှင့်အညီ အပြည်ပြည်ဆိုင်ရာအမျိုးသမီးများနေ့ အခမ်းအနားကို (၈.၃.၂၀၂၄) ရက်နေ့ နံနက် (၉:၃၀)အချိန်၌ ကျင်းပဆောင်ရွက်ခဲ့ပါသည်။
    အဆိုပါအခမ်းအနားကို တိုင်းဒေသကြီးဝန်ကြီးချုပ် ဦးမြတ်ကိုက နှစ်စဉ် မတ်လ (၈) ရက်နေ့ရောက်တိုင်း အပြည်ပြည်ဆိုင်ရာအမျိုးသမီးများနေ့အဖြစ် နိုင်ငံတကာတွင် အခမ်းအနားများ ကျင်းပသည့်နည်းတူ မြန်မာနိုင်ငံမှာလည်း မြန်မာအမျိုးသမီးများ၏ အရေးပါသော အခန်းကဏ္ဍကို ထင်ဟပ်ပေါ်လွင်စေရန် နိုင်ငံတော်အဆင့်အခမ်းအနားကို ကျင်းပသလို တိုင်းဒေသကြီးအဆင့် အခမ်းအနားကိုလည်း ကျင်းပရခြင်းဖြစ်ကြောင်း၊ မြန်မာအမျိုးသမီးများ၏ အခန်းကဏ္ဍမြှင့်မား တိုးတက်စေရန်နှင့် ရသင့်ရထိုက်သောအခွင့်အရေးများ တန်းတူညီမျှမှုရရှိစေရန်အတွက် ဘက်ပေါင်းစုံက တတ်နိုင်သရွေ့ ကြိုးပမ်းဆောင်ရွက်လျက်ရှိရာ ပြည်သူများနှင့် အဖွဲ့အစည်းများကလည်း သက်ဆိုင်ရာကဏ္ဍအသီးသီးကနေ ဝိုင်းဝန်းပူးပေါင်းဆောင်ရွက်ပေးကြရန် လိုအပ်ကြောင်း ပြောကြားခဲ့ပါသည်။ 
    ထို့နောက် ကုလသမဂ္ဂအထွေထွေအတွင်းရေးမှူးချုပ်၏ သဝဏ်လွှာအား Video Clip ဖြင့်ပြသခြင်း၊ အမျိုးသမီးများဖွံ့ဖြိုးတိုးတက်ရေးဆိုင်ရာ လုပ်ငန်းဆောင်ရွက်ချက်များအား Video Cilp ဖြင့်ပြသခြင်းနှင့် သရက်ချောင်း မူလတန်းကြိုကျောင်းမှ သားငယ်သမီးငယ်များက “ကျေးလက်ဓလေ့” တေးသီချင်းဖြင့် ဖျော်ဖြေတင်ဆက်ခြင်းတို့ကိုပြုလုပ်ခဲ့ပြီး တိုင်းဒေသကြီးဝန်ကြီးချုပ်၊ တရားလွှတ်တော်တရားသူကြီးချုပ်၊ တိုင်းဒေသကြီးအစိုးရအဖွဲ့ဝင်ဝန်ကြီးများနှင့် ဌာနဆိုင်ရာတာဝန်ရှိသူများက ကြည့်ရှုအားပေးခဲ့ပြီး အခမ်းအနားအား ရုပ်သိမ်းခဲ့ပါသည်။