တိုင်းဒေသကြီး/ ပြည်နယ်/ ခရိုင်/ မြို့နယ်များတွင် ကလေးသူငယ်အခွင့်အရေးများဆိုင်ရာ ကော်မတီအစည်းအဝေးများအား တစ်နှစ်လျှင်(၂)ကြိမ်စီကျင်းပခြင်း၊ ကလေးသူငယ်အခွင့်အရေးများနှင့် ပတ်သက်၍ ကလေးများအား အသိပညာပေးသင်တန်း၊ ကလေးသူငယ်ကာကွယ်စောင့်ရှောက်ရေး သင်တန်း၊ ကလေးသူငယ်အခွင့်အရေးများဆိုင်ရာဥပဒေအသိပညာပေးဟောပြောပွဲ၊ စေတနာ့ဝန်ထမ်း ပုဂ္ဂိုလ်၊ လူမှုရေးအသင်းအဖွဲ့များ၊ INGOs, NGOs များအား ဥပဒေအသိပညာပေးဟောပြောပွဲ၊ ကလေး သူငယ်အခွင့်အရေးများဆိုင်ရာ ကုလသမဂ္ဂကွန်ဗင်းရှင်း နှစ်ပတ်လည်နေ့အခမ်းအနားများအား တစ်နှစ် လျှင် (၁)ကြိမ်စီ ကျင်းပဆောင်ရွက်လျက် ရှိပါသည်။ ကလေးသူငယ်များ၏ အကောင်းဆုံးအကျိုးစီးပ

<

     မူလတန်းကြိုကျောင်းများဖွင့်လှစ်ခြင်း

     လူမှုဝန်ထမ်းဦးစီးဌာနအနေနှင့် ကဏ္ဍအားလုံးတွင် မြို့ပြနှင့်ကျေးလက် လူထုများအကြား ကွာခြားမှုမရှိစေရန်အတွက် ရှေးဦးအရွယ်ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်းများ ဆောင်ရွက်ရာတွင် ဌာနအခြေပြုလုပ်ငန်းအနေဖြင့် ၁၉၅၃ ခုနှစ်မှ စတင်ပြီး မူလတန်းကြိုကျောင်းများ တည်ထောင်ဖွင့်လှစ်ခဲ့ရာ တစ်နိုင်ငံလုံးမှာ မူလတန်းကြိုကျောင်း (၁၄၂)ကျောင်းနှင့် နေ့ကလေးထိန်းကျောင်း (၁)ကျောင်း ဖွင့်လှစ်နိုင်ခဲ့ပြီး (၂၀၂၀-၂၀၂၁) ဘဏ္ဍာရေးနှစ် အတွင်းမှာလည်း ဆက်လက်တိုးချဲ့ဖွင့်လှစ်သွားမှာဖြစ်ပါသည်။ 

ရည်ရွယ်ချက်

၁။    ကလေးပြုစုရေးဌာနများကို အောက်ဖော်ပြပါ ရည်ရွယ်ချက်များဖြင့် ဆောင်ရွက်လျက်ရှိပါသည်-         (က)    အကြောင်းအမျိုးမျိုး‌ကြာင့် လူမှုရေးချို့တဲ့နေသည့် ကလေးများနှင့် စောင့် ရှောက်သူမဲ့ ကလေးများအား မွေးစမှ (၁၀)နှစ်ပြည့်                 ပြီးသည်အထိ ဘက်စုံ ဖွံ့ဖြိုး တိုးတက်ရေးနှင့် မူလတန်းပညာ ပြီးမြောက်အောင်မြင်သည်အထိ ပြုစု စောင့်ရှောက်ပေးရန်၊           ( ခ)    ရှေးဦးအရွယ် ကလေးသူငယ်များ ပြုစုပျိုးထောင်ရေးနှင့် ဖွံ့ဖြိုးတိုးတက်ရေး နည်းစနစ်နှင့်အညီ ပြုစုစောင့်ရှောက်ပေးရန်၊           ( ဂ) စောင့်ရှောက်ထားသည့် ကလေးများအနက် ခန္ဓာကိုယ်ဖွံ့ဖြိုးမှုနှင့် ဉာဏ်ရည် ဖွံ့ဖြိုးမှု အားနည်းသော ကလေးများကို အသက်                 (၁၀)နှစ် ပြည့်ပြီးသည်အထိ ဆက်လက်ပြုစု စောင့်ရှောက်၍ သက်ဆိုင်ရာ ကျောင်းများသို့ လွှဲပြောင်း ပို့အပ်ရန်၊           (ဃ) စောင့်ရှောက်ထားသော ကလေးများ ပုံမှန်မိသားစုအတွင်း ကြီးပြင်းလာပြီး ကလေးသူငယ်ဥပဒေနှင့်အညီ သင့်လျော်သော မိဘ                 များအား  မွေးစားခွင့်ပေး ရန် နှင့် အခြေခံပညာ မူလတန်းကို အသက် (၅)နှစ်မှစတင်၍ မူလတန်းပညာ ပြီးမြောက်သည်အထိ                 သင်ကြားနိုင်ရေး စီစဉ်ဆောင်ရွက်ပေးရန် 

     မူကြိုပညာရေးနှင့် ပတ်သက်၍ လူမှုဝန်ထမ်းဦးစီးဌာနမှ မူကြိုအရွယ်ကလေးများ ဘက်စုံဖွံံ့ဖြိုးရေး သင်ရိုးညွှန်းတမ်းနှင့် သင်ရိုးမာတိကာ(Pre-School Curriculum and Syllabus)၊ (၃)နှစ် မပြည့်မီ ကလေးများ ပြုစုပျိုးထောင်ရေးလမ်းညွှန် ( Guideline of Caring for Children under Three Years Old) နှင့် မူလတန်းကြိုအရွယ် ( ၃နှစ်မှ၅နှစ် ) ကလေးများ ဘက်စုံဖွံ့ဖြိုးရေး ဆရာ့လမ်းညွှန် ( Teacher's Guide on Pre-School Curriculum ) တို့ကို ရေးသားပြုစုဖြန့်ဝေခဲ့ပါသည်။ ယင်းစာအုပ်များသည် မူလတန်းကြိုပညာရေးအတွက် မရှိမဖြစ် လက်ကိုင်ပြုရမည့် စာအုပ်များဖြစ်ပါ၍ ထုတ်ဝေရခြင်းဖြစ်ပါသည်။

     မြန်မာနိုင်ငံအတွင်း ဖွင့်လှစ်ဆောင်ရွက်လျက်ရှိသော ကိုယ့်အားကိုယ်ကိုး မူလတန်းကြိုကျောင်းများနှင့် ပုဂ္ဂလိကမူလတန်း ကြိုကျောင်းများမှ ကလေးပြုစုစောင့်ရှောက်သူ ဆရာမများအား အရည်အသွေး  ပြည့်မီစေရေးအတွက် စေတနာ မူလတန်းကြိုကျောင်း ဆရာမများ/ တာဝန်ခံများသင်တန်း၊ရှေးဦးကလေးသူငယ် ဖွံ့ဖြိုးမှု ပြုစုပျိုးထောင်ရေးဆိုင်ရာ သင်တန်း၊  ရှေးဦးကလေးသူငယ် ဖွံ့ဖြိုးမှု ပြုစုပျိုးထောင်ရေးဆိုင်ရာသင်တန်း၊ မိဘရပ်ရွာအသိပညာပေး သင်တန်းများကိုလည်း လူမှုဝန်ထမ်းဦးစီးဌာန၊ ပညာရေးဝန်ကြီးဌာန၊ ဆက်စပ်နေ သောဝန်ကြီးဌာနများနှင့် UNICEF ၊ ကလေးပြုစုပျိုးထောင်ရေးဆိုင်ရာ လုပ်ငန်းများ ဆောင်ရွက်နေသောအဖွဲ့အစည်းများမှနည်းပြများဖြင့် လူမှုဝန်ထမ်းအတတ်သင် သိပ္ပံကျောင်းနှင့် သက်ဆိုင်ရာ ပြည်နယ်/တိုင်းဒေသ ကြီးအသီးသီးတွင်ဖွင့်လှစ်ဆောင်ရွက်လျက်ရှိပါသည်။

    ထို့အပြင် ပြည်တွင်း/ပြည်ပမှ အစိုးရမဟုတ်သော အဖွဲ့အစည်းများနှင့် ပူးပေါင်း၍လည်း စေတနာ့ဝန်ထမ်း မူလတန်းကြိုကျောင်းများ တည်ထောင်ခြင်း၊ ရပ်ရွာအခြေပြု ကလေးသူငယ် ပြုစုစောင့်ရှောက်ရေး လုပ်ငန်းများ ဆောင်ရွက်ခြင်း၊ မိဘများနှင့် ရပ်ရွာလူထုသို့အသိပညာပေးခြင်း၊ ကလေးပြုစုစောင့်ရှောက်သူများအား စွမ်းဆောင်ရည် မြှင့်တင်ပေးခြင်းဆိုင်ရာ အလုပ်ရုံဆွေးနွေးပွဲများ၊ သင်တန်းများ ပူးပေါင်းကျင်းပခြင်းတို့ကို စဉ်ဆက်မပြတ် ဆောင်ရွက်လျက်ရှိပါသည်။

လူမှုဝန်ထမ်းဦးစီးဌာနသည် ရှေးဦးအရွယ်ကလေးသူငယ် ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ လုပ်ငန်းတစ်ရပ်ဖြစ်သည့် မိခင်ဝိုင်းများ ဖွင့်လှစ်ခြင်းလုပ်ငန်းကို ၂၀၀၇ ခုနှစ်မှ စတင် ဆောင်ရွက်ခဲ့ပြီး  တိုင်းဒေသကြီး/ ပြည်နယ်/ ခရိုင်နှင့် မြို့နယ်များရှိ အသက်(၆)လမှ (၃)နှစ်အရွယ် ကလေးငယ်များအတွက် မိခင်ဝိုင်းများ ဖွင့်လှစ်ပေးခြင်း၊ ရပ်ရွာအတွင်းရှိ ရပ်ရွာပံ့ပိုးမှု ကော်မတီဝင် များအား မိခင်ဝိုင်းများ ဖွင့်လှစ်နိုင်ရန် သင်တန်းများပေးခြင်းနှင့် မိခင်ဝိုင်းများအတွက် ပံ့ပိုးပစ္စည်း ထောက်ပံ့ပေးခြင်းများကို ဆောင်ရွက်ပေးလျက်ရှိပါသည်။ ၂၀၁၇ ခုနှစ်မှ စတင်၍ ရပ်ရွာအခြေပြု လုပ်ငန်းအဖြစ် တိုင်းဒေသကြီး/ ပြည်နယ်များအတွင်း မူလတန်းကြိုကျောင်းများ ဖွင့်လှစ်နိုင်ခြင်း မရှိသော ရပ်ကွက်၊ ကျေးရွာများရှိ မြို့နယ် (၂၇) မြို့နယ်တွင် တစ်မြို့နယ်လျှင် မိခင်ဝိုင်း (၁၀)ဝိုင်း နှုန်းဖြင့်  စတင်တိုးချဲ့ဖွင့်လှစ်ခဲ့ပြီး ၂၀၁၉-၂၀၂၀ ခု၊ ဘဏ္ဍာရေးနှစ်အတွင်း တိုင်းဒေသကြီး/ ပြည်နယ် /ခရိုင်များအတွင်းရှိ မြို့နယ် (၄၄) မြို့နယ်တွင် မိခင်ဝိုင်းပေါင်း (၁၂၀၀)ဝိုင်းထိ တိုးချဲ့ဖွင့်လှစ်နိုင်ခဲ့ ပါသည်။