နေပြည်တော်၊၂၀၁၇။နိုဝင်ဘာ၁၄

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဒုတိယဝန်ကြီး ဦးစိုးအောင်အား JICA Myanmar Office မှ Senior Representative ဖြစ်သူ Mr. Jun YAMAZAKI ဦးဆောင်သောအဖွဲ့က (၁၀.၁၁.၂၀၁၇)ရက်နေ့၊နံနက်ပိုင်းတွင် အဆိုပါဝန်ကြီးရုံး၌ လာရောက် တွေ့ဆုံခဲ့ပါသည်။

ယင်းသို့တွေ့ဆုံရာတွင်JICAနှင့်ဆောက်လုပ်ရေးဝန်ကြီးဌာန၊လျှပ်စစ်နှင့်စွမ်းအင်ဝန်ကြီးဌာနတို့နှင့်ပူးပေါင်း၍ရခိုင်ပြည်နယ်ဖွံ့ဖြိုးရေးအတွက်ဆောင်ရွက်နေသည့်လုပ်ငန်းများ၏တိုးတက်မှုများ၊ရခိုင်ပြည်နယ်ဆိုင်ရာအကြံပေးကော်မရှင်၏အကြံပြုချက်များအကောင်အထည်ဖော်ရာတွင်ဦးစားပေးအစီအစဉ်နှင့်လုပ်ငန်းဒေသသတ်မှတ်မည့် ကိစ္စများဆွေးနွေးမေးမြန်းရာဒုတိယဝန်ကြီးကရခိုင်ပြည်နယ်ဆိုင်ရာအကြံပြုချက်များအပေါ်အကောင်အထည်ဖော်ဆောင်ရွက်ရေးကော်မတီ၏ လုပ်ငန်းဆောင်ရွက်နေမှုများ၊ယင်းသို့ဆောင်ရွက်ရာတွင်လက်ငင်းဆောင်ရွက်ရမည့်ကိစ္စများ၊ ရေတိုရေရှည်ဖွံ့ဖြိုးတိုးတက်မှုအတွက် ဆောင်ရွက်မည့်ကိစ္စများသတ်မှတ်၍ဆောင်ရွက်နေမှုများ၊UEHRDပြည်ထောင်စုစီမံကိန်း၏လုပ်ငန်းဆောင်ရွက်မှုများ၊ရခိုင်ပြည်နယ်မြောက်ပိုင်း တွင်လူမှုစီးပွားဘဝဖွံ့ဖြိုး တိုးတက်ရေးအတွက် ပုဂ္ဂလိကလုပ်ငန်းအဖွဲ့ (၉)ဖွဲ့  ပူးပေါင်း၍ ဆောင်ရွက်မည့်ကိစ္စများ၊ ဒေသတွင်းလမ်းပန်း ဆက်သွယ်ရေးနှင့် လျှပ်စစ်ဓါတ်အားဖြန့်ဖြူးပေးနိုင်ရန် စီမံကိန်းများချမှတ်ဆောင်ရွက်နေမှုများ နှင့် JICA အနေဖြင့် ပါဝင်ကူညီနိုင်မည့်နည်းလမ်းများကို အကြံပြုဆွေးနွေးခဲ့ကြောင်း သတင်း ရရှိပါသည်။