စက်တင်ဘာ၂၉၊ ရန်ကုန်

လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးသည် ယနေ့ နံနက်ပိုင်းတွင် ရန်ကုန်မြို့၊ ရန်ကုန်ကလေးဆေးရုံ အစည်းအဝေးခန်းမ၌ မြန်မာနိုင်ငံကလေးကျန်းမာပညာအဖွဲ့၊ UK တော်ဝင်ကလေးသမားတော်များ ကောလိပ်၊ UNICEF တို့ပူးပေါင်းကျင်းပသော ကလေးသူငယ် ကာကွယ်စောင့်ရှောက်ခြင်း ဆိုင်ရာ အလုပ်ရုံဆွေးနွေးပွဲသို့ တက်ရောက်ခဲ့ပါသည်။

အလုပ်ရုံဆွေးနွေးပွဲ ဖွင့်ပွဲအခမ်းအနား၌ ပြည်ထောင်စုဝန်ကြီးက ကလေးသူငယ် ကာကွယ် စောင့်ရှောက်ရေးလုပ်ငန်းသည် ဆက်စပ်သည့်ကဏ္ဍပေါင်းစုံ ပါဝင်ဆောင်ရွက်ရသည့်လုပ်ငန်းတစ်ခု ဖြစ်ပြီး ကလေးအထူးကုဆရာဝန်များ၏အခန်းကဏ္ဍသည် ကလေးသူငယ်ကာကွယ်စောင့်ရှောက်ရေး လုပ်ငန်းဆောင်ရွက်ရာ၌ အရေးပါသည့်အစိတ်အပိုင်းတစ်ခုဖြစ်ပါကြောင်း၊ အထူးသဖြင့် ကလေးသူငယ် ကာကွယ်စောင့်ရှောက်ရေးဆိုင်ရာ ဖြစ်ရပ်များအား ရှာဖွေဖော်ထုတ်ခြင်းနှင့် လျင်မြန်သော တုံ့ပြန်မှုများပေးရာ၌ အထူးအရေးပါ ပါကြောင်း၊ ကလေးအထူးကု ဆရာဝန်များ အနေဖြင့် ကလေးသူငယ် ကာကွယ်စောင့်ရှောက်ရေးလုပ်ငန်း ဆောင်ရွက်ရာ၌ အစိုးရ၊ ရပ်ရွာ၊ မိဘ၊ ကလေးသူငယ်များ၊ ဆက်စပ်အဖွဲ့အစည်းများနှင့် ပူးပေါင်းဆောင်ရွက် နိုင်ပါကြောင်း ပြောကြားခဲ့ ပါသည်။

လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနအနေဖြင့် ပိုမိုထိရောက် သော ကလေးသူငယ်ကာကွယ်စောင့်ရှောက်ရေးအတွက် ကလေးသူငယ် အခွင့်အရေးဆိုင်ရာ ဥပဒေအသစ်ကို ပြင်ဆင်ရေးသားခဲ့ပြီး လွှတ်တော်က စိစစ်လျက်ရှိရာ မကြာမီအတည်ပြု ပြဌာန်း နိုင်မည်ဖြစ်ကြောင်း၊ ကလေးသူငယ်များအား အကြမ်းဖက်ခြင်း၊ ခေါင်းပုံဖြတ်ခြင်း၊ အလွဲသုံးခြင်းနှင့် ပစ်ပယ်ခြင်း စသည်တို့မှ ကလေးသူငယ်များအတွက် ဥပဒေအရ ကာကွယ်စောင့်ရှောက်ရေး လုပ်ငန်းသည် ၀န်ကြီးဌာနတခုတည်း၏ တာဝန်မဟုတ်ဘဲ ကျန်းမာရေး စောင့်ရှောက်မှုပေးလျက် ရှိသော ကလေးအထူးကုဆရာဝန်ကြီးများအပါအ၀င် လူမှုဝန်ထမ်းသမားများ၊ ဆရာ၊ဆရာမများ၊ ရဲတပ်ဖွဲ့များ အားလုံးပူးပေါင်းဆောင်ရွက်ရမည့် လုပ်ငန်းဖြစ်ကြောင်း၊ မိမိတို့ ၀န်ကြီးဌာနအနေဖြင့် မည်သည့်အဖွဲ့အစည်းနှင့်မဆို ပူးပေါင်းဆောင်ရွက်ရန်အသင့်ရှိပါကြောင်း ထည့်သွင်းဆွေးနွေး ပြောကြားခဲ့ပါသည်။

ထို့နောက် လူမှုဝန်ထမ်းဦးစီးဌာန၊ Royal College of Paediatrics၊ ယူနီဆက်(မြန်မာ)နှင့် ဘာသာရပ်ကျွမ်းကျင်သူများက တင်ပြဆွေးနွေးမှုများ ဆက်လက်ဆောင်ရွက်ခဲ့ပါသည်။ အဆိုပါ အလုပ်ရုံဆွေးနွေးပွဲ ဖွင့်ပွဲအခမ်းအနားသို့ ပြည်ထောင်စုဝန်ကြီးဒေါက်တာဝင်းမြတ်အေးနှင့်အတူ မြန်မာနိုင်ငံ ကလေးအထူးကုဆရာဝန်များအသင်းမှ တာဝန်ရှိသူများ၊ Royal College of Paediatrics နှင့် ယူနီဆက်(မြန်မာ)တို့မှတာဝန်ရှိသူများ၊ ဖိတ်ကြားထားသောဆေးရုံအုပ်ကြီးများနှင့် ကလေးအထူးကုဆရာဝန်များတက်ရောက်ခဲ့ကြပါသည်။     

ဆက်လက်၍ အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီဒုတိယဥက္ကဌ၊ ပြည်ထောင်စုဝန်ကြီးဒေါက်တာဝင်းမြတ်အေးသည် ရန်ကုန်တိုင်းဒေသကြီး၊ လူမှုဝန်ထမ်းရုံးတွင် ကျင်းပပြုလုပ်သည့် ရေးဘေးသင့်ဒေသများအတွက် အလှူငွေများပေးအပ်ခြင်းအခမ်းအနားသို့ တက်ရောက်ပြီး၊ ယခုနှစ်အတွင်းဖြစ်ပွားခဲ့သောရေဘေးသင့်ဒေသများအတွက် ဘေးသင့် ဒေသများ အမြန်ပြန်လည်ထူထောင်ရေးအဖွဲ့ကို ဖွဲ့စည်းထားပြီး ပြန်လည်ထူထောင်ရေးလုပ်ငန်းများကို အားသွန်ခွန်စိုက်ဆောင်ရွက်လျက်ရှိပါကြောင်း၊ ရေလွှမ်းမိုးမှုများတွင် တိုင်းဒေသကြီး/ ပြည်နယ်များ၌ လယ်ယာစိုက်ပျိုးမြေများ ပျက်စီးဆုံးရှုံးမှုများ အဓိကကြုံတွေ့ခဲ့ရပြီး အချိန်မီပြန်လည် စိုက်ပျိုး နိုင်ရန်အတွက် သက်ဆိုင်ရာဝန်ကြီးဌာနများနှင့် ပူးပေါင်း၍ ဖြည့်ဆည်းပေးလျက်ရှိပါကြောင်း၊ ယခု လှူဒါန်းငွေများသည်လည်း ပြန်လည်ထူထောင်ရေးလုပ်ငန်းများအတွက် အကျိုးရှိစွာ အသုံးပြုမည် ဖြစ်ပါကြောင်းနှင့် လှူဒါန်းမှုများအတွက် ကျေးဇူးတင်ရှိ ပါကြောင်းပြောကြားခဲ့ပါသည်။

အခမ်းအနားတွင် နီပေါသံရုံးက ကျပ် (၁၀)သိန်း၊ TECO Myanmar က အမေရိကန်ဒေါ်လာ (၅၀,၀၀၀)နှင့် မြန်မာနိုင်ငံလုံးဆိုင်ရာ ဂေါ်ရခါးဟိန္ဒူဓမ္မအဖွဲ့ချုပ်က အလှူငွေကျပ် (၂၅)သိန်းကို အသီးသီးပေးအပ်လှူဒါန်းကြရာ ပြည်ထောင်စုဝန်ကြီးက လက်ခံရယူပြီးဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ပါသည်။

မြန်မာနိုင်ငံအတွင်းရေဘေးသင့်ပြည်သူများအတွက် (၂၀.၈.၂၀၁၈)ရက်နေ့မှ (၂၉.၉.၂၀၁၈) ရက်နေ့အထိ လက်ခံရရှိငွေစုစုပေါင်းမှာ ကျပ်သိန်း (၃၄၆,၁၇၉,၄၆၀)နှင့် အမေရိကန်ဒေါ်လာ (၅၀,၀၀၀) ဖြစ်ကြောင်း သတင်းရရှိပါသည်။