နေပြည်တော်၊ ၁၂.၁၂.၂၀၁၈

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက အာရှဖွံ့ဖြိုးရေးဘဏ် Asian Development Bank (ADB)၏ အရှေ့တောင်အာရှဌာနမှ Deputy Director General Ms. F. Cleo Kawawaki ဦးဆောင်သောအဖွဲ့အား ယနေ့မွန်းလွဲပိုင်းတွင် ၀န်ကြီးဌာန၏ မေခလာဧည့်ခန်းမ၌ လက်ခံတွေ့ဆုံခဲ့ပါသည်။

        ထို့သို့တွေ့ဆုံရာတွင် ရခိုင်ပြည်နယ်မှ နေရပ်စွန့်ခွာသူများ ပြန်လည်လက်ခံရေး အတွက် ဘင်္ဂလားဒေ့ရ်ှနိုင်ငံအစိုးရနှင့် သဘောတူစာချုပ် လက်မှတ်ရေးထိုး၍ ဆောင်ရွက်နေမှုများနှင့် မြန်မာနိုင်ငံဘက်မှ ပြန်လည်လက်ခံရေး အဆင်သင့် ဖြစ်နေမှုများ၊ ကုလသမဂ္ဂအဖွဲ့အစည်းများဖြစ်သော UNDP ၊ UNHCR တို့နှင့် နားလည်မှု စာချွန်လွှာ ရေးထိုး ဆောင်ရွက်နေမှုများတို့အပြင် အာဆီယံအတွင်းရေးမှူးချုပ်ရုံးနှင့် AHA Centre တို့ကိုပါ ဖိတ်ကြား၍ နေရပ်စွန့်ခွာသူများပြန်လည်လက်ခံရေးနှင့် ပြန်လည်ထူထောင်ရေး လုပ်ငန်းစဉ်များတွင်ပါဝင်နိုင်ရေး ဆောင်ရွက်နေမှုများ၊ နေရပ်စွန့်ခွာသူများအား လက်ခံပြီး နောက် နေအိမ်ဆောက်လုပ်ခြင်း၊ Cash for Work စီမံချက်များ၊ အသက်မွေး ၀မ်းကျောင်းသင်တန်းများ လုပ်ငန်းများအပါအ၀င် ပညာရေး၊ ကျန်းမာရေး၊ လူမှုရေး၊ ၀န်ဆောင်မှုများပေးနိုင်ရန် UEHRDစီမံကိန်း ဖွဲ့စည်း၍ ဆောင်ရွက်နေမှုများနှင့် ADB မှ ပူးပေါင်းပါဝင်ရေးကိစ္စရပ်များ၊ အဓိကအကြောင်းအရာများဖြစ်သည့် လွတ်လပ်စွာ လှုပ်ရှား သွားလာခွင့်နှင့်နိုင်ငံသားဖြစ်ခွင့်တို့အတွက် နိုင်ငံတော်မှ ဆောင်ရွက်နေမှုများ၊ မတူညီသည့် အသိုက်အ၀န်းနှစ်ခုကြား လူမှုသဟဇာတမျှတရေးအတွက် စကားဝိုင်းဆွေးနွေးမှုများ၊ အမျိုးသမီးစင်တာများမှတဆင့် ဆောင်ရွက်နေမှုများ၊ ADB နှင့်ပူးပေါင်းဆောင်ရွက်နေ သည့် ရာသီဥတုပြောင်းလဲမှု ဘေးလျော့ပါးရေးလုပ်ငန်းများနှင့် ဘေးဒဏ်ကြံ့ကြံ့ခိုင်နိုင်မှု လုပ်ငန်းများတွင် ပိုမိုပူးပေါင်းဆောင်ရွက်နိုင်ရေးကိစ္စရပ်များကို ဆွေးနွေးခဲ့ကြကြောင်း သတင်းရရှိပါသည်။