နေပြည်တော်၊ ၃-၁၁-၂၀၁၉
    လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စု ဝန်ကြီးဒေါက်တာဝင်းမြတ်အေးသည် ယမန်နေ့မွန်းလွဲပိုင်းက လွိုင်ကော်မြို့၊ ပြည်နယ် ဧည့်ရိပ်သာခန်းမ၌ တောင်တန်းသာသနာပြုဒီးမော့ဆိုမြို့မ ပရဟိတကျောင်းအတွက် အရေးပေါ် စားနပ်ရိက္ခာဖိုးငွေများထောက်ပံ့ခြင်းနှင့် ကယားပြည်နယ်အတွင်း တာဝန်ထမ်း ဆောင်နေသော ဝန်ကြီးဌာန၏ ဝန်ထမ်းများနှင့်တွေ့ဆုံခြင်းတို့ကို ဆောင်ရွက်ခဲ့ပါသည်။
    ပြည်ထောင်စုဝန်ကြီးနှင့်အဖွဲ့သည် ကယားပြည်နယ်လွိုင်ကော်မြို့သို့ ရောက်ရှိစဉ် ပြည်နယ်ဝန်ကြီးချုပ်နှင့် တာဝန်ရှိသူများက ဒီးမော့ဆိုမြို့၊ တောင်တန်းသာသနာပြုဒီမော့ဆို မြို့မပရဟိကျောင်းတွင် ရင်ခွင်မဲ့ကလေးငယ်များ၊ ဆင်းရဲနွမ်းပါသော ကလေးငယ်များအား ကျွေးမွေးစောင့်ရှောက်ထားကြောင်း၊ သူငယ်တန်းမှ တက္ကသိုလ်ဝင်တန်းအထိ ပညာသင် ကျောင်းသား၊ ကျောင်းသူ(၁၂၀)ဦးရှိကြောင်းနှင့် စားနပ်ရိက္ခာလိုအပ်ချက်များအတွက် တင်ပြ ဆွေးနွေးကြရာ ပြည်ထောင်စုဝန်ကြီးနှင့်အဖွဲ့က ပရဟိတကျောင်းရှိ ကျောင်းသား၊ ကျောင်းသူများအတွက် အရေးပေါ်စားနပ်ရိက္ခာ (ဆန်၊ ဆီ၊ ပဲ) (၃)လစာအတွက် ထောက်ပံ့ ငွေကျပ် (၇၂)သိန်းကို ပြည်နယ်ဝန်ကြီးချုပ်နှင့်အဖွဲ့ထံသို့ ပေးအပ်ခဲ့ပါသည်။
    ထို့နောက် ပြည်ထောင်စုဝန်ကြီး၊ ဒုတိယဝန်ကြီးနှင့်အဖွဲ့သည် ကယားပြည်နယ် အတွင်း တာဝန်ထမ်းဆောင်နေသော လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန၏ ဝန်ထမ်းများနှင့်တွေ့ဆုံ၍ မိမိတို့ဝန်ကြီးဌာနသည် ပြည်သူများ၏ လူမှုရေးရာအခက်အခဲများ၊ ဘေးအန္တရာယ်ဆိုင်ရာစီမံခန့်ခွဲမှုများနှင့် ပြန်လည်ထူထောင်ရေး လုပ်ငန်းများကို ဆောင်ရွက်ပေးရသည့်အတွက် ပြည်သူများနှင့် ထိတွေ့ဆက်ဆံသည့် နေရာတွင် စေတနာ၊ မေတ္တာ၊ ကိုယ်ချင်းစာစိတ်များဖြင့် ဆောင်ရွက်ပေးစေလိုကြောင်း၊ မိမိတို့ဝန်ထမ်းများအနေဖြင့် စောင့်ထိန်းရမည့်ကျင့်ဝတ်၊ ထမ်းဆောင်ရမည့် တာဝန်၊ လိုက်နာရမည့်စည်းကမ်းများကို အမြဲသိရှိ အလေးထားစေလိုကြောင်း၊ ဝန်ထမ်းများ အနေဖြင့် မည်သည့်နေရာဒေသတွင် တာဝန်ထမ်းဆောင်နေရသည်ဖြစ်စေ ကြိုးစားမှု၊ သင်ယူမှုများကို အမြဲလုပ်ဆောင်၍ မိမိတို့၏ တိုးတက်မှုကို ရှာဖွေနေကြရမည်ဖြစ်ကြောင်း၊ ကယားပြည်နယ်တွင် တာဝန်ထမ်းဆောင်နေကြသည့် ဝန်ထမ်းအများစုသည် နယ်ခံ တိုင်းရင်းသား၊ တိုင်းရင်းသူများဖြစ်ကြသည့်အတွက် နိုင်ငံတော်က ဦးစားပေးဆောင်ရွက် နေသော တိုင်းရင်းသားအရေးနှင့် ပြည်တွင်းငြိမ်းချမ်းရေး ဖော်ဆောင်ရာတွင် တစ်တပ် တစ်အား ပါဝင်ဆောင်ရွက်နေကြခြင်းဖြစ်၍ ကျေးဇူးတင်ရှိပါကြောင်း  ပြောကြားခဲ့ပါသည်။
    ဆက်လက်၍ ဝန်ထမ်းများ၏ ကြုံတွေ့နေရသော အခက်အခဲများကို မေးမြန်းပြီး ဒုတိယဝန်ကြီး၊ ညွှန်ကြားရေးမှူးချုပ်နှင့် ဒုတိယညွှန်ကြားရေးမှူးချုပ်များက ပြန်လည်ညှိနှိုင်း ဖြည့်ဆည်းဆောင်ရွက်ပေးခဲ့ကြကြောင်း သတင်းရရှိပါသည်။