နေပြည်တော်ကောင်စီ၊ တိုင်းဒေသကြီး/ပြည်နယ်များအတွင်းရှိ လူမှုဝန်ထမ်းဦးစီးဌာန မူလတန်းကြိုကျောင်းများ (၁၅-၁၁-၂၀၂၁)ရက်နေ့မှ စတင်၍ ဖွင့်လှစ်လျက်ရှိ
ကိုဗစ်-၁၉ ကပ်ရောဂါအန္တရာယ်ကြောင့် ၂၀၂၀ပြည့်နှစ်၊ မတ်လ ၁၆ ရက်နေ့မှစ၍ ခေတ္တပိတ်ထားခဲ့ရသော လူမှုဝန်ထမ်းဦးစီးဌာန မူလတန်းကြိုကျောင်းများနှင့် လူမှုဝန်ထမ်း ဦးစီးဌာနက ကြီးကြပ်ဆောင်ရွက်သော ကိုယ့်အားကိုယ်ကိုး မူလတန်းကြိုကျောင်းများ၊ ပုဂ္ဂလိက မူလတန်းကြိုကျောင်းများကို ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေး ဗဟိုကော်မတီ၏ အတည်ပြုချက်အရ ရှေးဦးအရွယ်ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးလုပ်ငန်းဗဟိုကြီးကြပ်ရေးအဖွဲ့၏ (၁၁-၁၁-၂၀၂၁)ရက်စွဲပါ ညွှန်ကြားချက်အမှတ် ၁/၂၀၂၁ဖြင့် ကျန်းမာရေးဝန်ကြီးဌာနက ထုတ်ပြန်ထားရှိသည့် ကိုဗစ်-၁၉ ရောဂါ ကာကွယ် တားဆီးရေးဆိုင်ရာ စည်းကမ်းချက်များနှင့်အညီ (၁၅-၁၁-၂၀၂၁)ရက်နေ့မှစတင်၍ ပြန်လည် ဖွင့်လှစ်ခဲ့ပြီးဖြစ်ပါသည်။
လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်း ဦးစီးဌာနသည် အသက် ၃နှစ်မှ ၅နှစ်အတွင်းရှိ မူလတန်းကြိုအရွယ် ကလေးငယ်များကို ကာယ၊ ဉာဏ၊ စာရိတ္တ၊ လူမှုဆက်ဆံရေးနှင့် စိတ်ခံစားမှုဆိုင်ရာ အသက်အရွယ်အလိုက် ဖွံ့ဖြိုးမှုများရရှိနိုင်စေရန် ရည်ရွယ်၍ မူကြိုကျောင်းများဖွင့်လှစ်ပြီး ဆောင်ရွက်လျက်ရှိပါ သည်။ ကိုဗစ်-၁၉ ရောဂါမဖြစ်ပွားမီ ၂၀၂၀ပြည့်နှစ် မတ်လအထိ လူမှုဝန်ထမ်းဦးစီးဌာန လက်အောက်ရှိ ဌာနမူလတန်းကြို ကျောင်း(၁၄၂)ကျောင်းတွင် ကလေးဦးရေ(၁၉၀၆၉)ဦးကို သင်ကြားလေ့ကျင့်ပေးလျက်ရှိပါသည်။ ကိုဗစ်-၁၉ရောဂါကူးစက်မှု အခြေအနေကြောင့် မူလတန်းကြိုကျောင်းများကို (၁)နှစ်ကျော်ကြာပိတ်ထားခဲ့ရပါသည်။ ကိုဗစ်-၁၉ ရောဂါ ကာကွယ်ထိန်းချုပ်နိုင်သည့်အချိန်တွင် နေပြည်တော်ကောင်စီ၊ တိုင်းဒေသကြီး/ ပြည်နယ်များ တွင် ဌာနမူလတန်းကြိုကျောင်း (၈၇)ကျောင်းကို (၁၅-၁၁-၂၀၂၁) ရက်နေ့မှစ ဖွင့်လှစ်၍ ကလေးဦးရေ (၂၂၄၅)ဦးကိုလက်ခံပြီး သင်ကြားလေ့ကျင့်ပေးလျက်ရှိပါသည်။ ကိုဗစ်-၁၉ ရောဂါဖြစ်ပွားမှုနှင့် ဒေသအခြေအနေများအရ မူလတန်းကြိုကျောင်းများ ဖွင့်လှစ်နိုင်ခြင်း မရှိသေးသောဒေသများတွင် ကလေးငယ်များအတွက် သင်ကြားလေ့ကျင့်မှုများ စဉ်ဆက် မပြတ်ရရှိနိုင်စေရန် မူလတန်းကြိုကျောင်း (၃၄) ကျောင်းကို (Online) အစီအစဉ်ဖြင့် ဖွင့်လှစ်ပြီး ကလေးဦးရေ (၃၀၇)ဦးကို သင်ကြားလေ့ကျင့်ပေးလျက်ရှိပါသည်။ သို့ဖြစ်ပါ၍ (၁၅-၁၁-၂၀၂၁)ရက်နေ့တွင် မူလတန်းကြိုကျောင်းပေါင်း (၁၂၁)ကျောင်းတွင် ကလေးဦးရေ (၂၅၅၂)ဦး တက်ရောက်သင်ယူလျက်ရှိပါသည်။ ထိုနည်းတူစွာ ပုဂ္ဂလိကမူလတန်းကြိုကျောင်း များ၊ ကိုယ့်အားကိုယ်ကိုးမူလတန်းကြိုကျောင်းများကိုလည်း နေပြည်တော်ကောင်စီနယ်မြေ၊ တိုင်းဒေသကြီး/ပြည်နယ်အားလုံးတွင်တစ်ပြိုင်နက်ဖွင့်လှစ်ပြီးသင်ကြားပေးနေပြီဖြစ်ပါသည်။
ကလေးများသည် နိုင်ငံတော်၏ အနာဂတ်ဖြစ်သည်နှင့်အညီ ဖွံ့ဖြိုးမှုများရရှိစေရေး အတွက် ဆရာ၊ မိဘပူးပေါင်း၍ သင်ကြားလေ့ကျင့်ပေးနိုင်ရေးသည် အရေးကြီးပါသဖြင့် မူလတန်းကြိုကျောင်းများသည် ကလေးငယ်များအတွက် ကာယ၊ ဉာဏ၊ စာရိတ္တ၊ ပေါင်းသင်း ဆက်ဆံရေးနှင့် စိတ်ခံစားမှု ဖွံ့ဖြိုးတိုးတက်ရေးတို့အတွက် အသက်အရွယ်နှင့်အညီရရှိနိုင်ပါ သောကြောင့် ဌာနမူလတန်းကြိုကျောင်းများတွင် ကလေးငယ်များအားလုံး ပျော်ရွှင်တက်ကြွ စွာဖြင့် တက်ရောက်လျက်ရှိပါသည်။
