၂၀၂၂-၂၀၂၃ ခု၊ ဘဏ္ဍာရေးနှစ်အတွက် မန္တလေးတိုင်းဒေသကြီးအတွင်းရှိ ပရဟိတဂေဟာ/ ရိပ်သာများနှင့် အသက်(၈၅)နှစ်နှင့်အထက် ဘိုးဘွားများအတွက်လူမှုရေးပင်စင်ထောက်ပံ့ခြင်း အခမ်းအနားကို (၂၂-၅-၂၀၂၂) ရက်နေ့နံနက်ပိုင်းတွင် မန္တလေးမြို့၊ မြို့တော်ခန်းမ၌ ကျင်းပပြုလုပ်ခဲ့ရာ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာသက်သက်ခိုင်၊ ဒုတိယဝန်ကြီး ဦးအောင်ထွန်းခိုင်၊ မန္တလေးတိုင်းဒေသကြီးအစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး၊ ဗိုလ်မှူးကြီးကျော်ကျော်မင်းနှင့် တိုင်းဒေသကြီးအစိုးရအဖွဲ့ဝင်ဝန်ကြီးများ၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဌာနဆိုင်ရာအကြီးအကဲများ၊ စေတနာ့ဝန်ထမ်းအဖွဲ့အစည်းများမှ ကိုယ်စားလှယ်များ၊ အကျိုးခံစားခွင့်ရှိသူဘိုးဘွားများ တက်ရောက်ခဲ့ကြပါသည်။ အခမ်းအနားတွင် ပြည်ထောင်စုဝန်ကြီးက အမှာစကားပြောကြားရာ၌ ဝန်ကြီးဌာနအနေဖြင့် ကလေးသူငယ်များ၊ အမျိုးသမီးများ၊ မသန်စွမ်းသူများနှင့် သက်ကြီးရွယ်အိုများကို ကာကွယ်စောင့်ရှောက်ပေးခြင်း၊ ဘေးအန္တရာယ်တစ်မျိုးမျိုးကြောင့်အတိဒုက္ခခံစားနေရသူများအား ကယ်ဆယ်ထောက်ပံ့ပေးခြင်း၊ မူးယစ်ဆေးဖြတ်ပြီးသူများ/လူကုန်ကူးခံရသူများအား လူ့အသိုင်းအဝိုင်းအတွင်းပြန်လည်ဝင်ဆံ့ပေါင်းစည်းနိုင်ရေးအတွက်ကူညီထောက်ပံ့ပေးခြင်းစတဲ့ဝန်ဆောင်မှုလုပ်ငန်းများ၊ စေတနာ့ဝန်ထမ်းအဖွဲ့အစည်းများကို ထောက်ပံ့ရေးလုပ်ငန်းအနေဖြင့် “စေတနာ့ဝန်ထမ်းအဖွဲ့အစည်းများတည်ထောင်ခွင့်ပြုမိန့်မှတ်ပုံတင်ရေးနှင့် ထောက်ပံ့ရေးလုပ်ငန်းလမ်းညွှန်”နှင့်အညီစေတနာ့ဝန်ထမ်း၊ လူမှုဝန်ထမ်းအဖွဲ့အစည်းများက ကြီးကြပ်မှုဖြင့်တည်ထောင်ဖွင့်လှစ်ထားရှိသည့် ပရဟိတဂေဟာများနှင့်ဘိုးဘွားရိပ်သာများမှာ လက်ခံစောင့်ရှောက်ထားသည့် ကလေးသူငယ်များ၊ လူငယ်များ၊ မသန်စွမ်းသူများ၊ အမျိုးသမီးများနှင့် သက်ကြီးရွယ်အိုများ၏ စားဝတ်နေရေးဖူလုံနိုင်ရေးအတွက် ကုန်ကျစရိတ်တစ်စိတ်တစ်ဒေသကို နိုင်ငံတော်မှခွဲဝေရရှိသည့် ဘဏ္ဍာရန်ပုံငွေအရထောက်ပံ့ပေးခြင်းဖြစ်ပါကြောင်း၊ လူမှုကာကွယ်စောင့်ရှောက်ရေးလုပ်ငန်းအနေဖြင့် ၂၀၁၄ ခုနှစ်မှာ အတည်ပြုပြဋ္ဌာန်းခဲ့သည့် လူမှုကာကွယ်စောင့်ရှောက်ရေးဆိုင်ရာ အမျိုးသားအဆင့်မဟာဗျူဟာစီမံချက်ပါလုပ်ငန်းစဉ်နှင့် သက်ကြီးရွယ်အိုများဆိုင်ရာဥပဒေ (၂၀၁၆)ပါ သက်ကြီးရွယ်အိုများ ဝင်ငွေလုံခြုံမှုရရှိစေရေးတို့အတွက် လူမှုရေးပင်စင်ထောက်ပံ့ခြင်းအစီအစဉ်ကို အသက်(၈၅)နှစ်နှင့်‌အထက် သက်ကြီးရွယ်အိုများကိုတစ်ဦးလျှင် တစ်လ ကျပ်(၁)သောင်းနှုန်းဖြင့် သုံးလတစ်ကြိမ်ထောက်ပံ့ပေးလျက်ရှိပါကြောင်း၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနအနေဖြင့် သဘာဝဘေးအန္တရာယ်ကြိုတင်ကာကွယ်ရေး၊ ကြိုတင်ပြင်ဆင်ရေးလုပ်ငန်းများ၊ ဘေးအန္တရာယ်ကြောင့်ထိခိုက်ဆုံးရှုံးနိုင်ခြေလျော့ပါးသက်သာစေရေးလုပ်ငန်းများ၊ အရေးပေါ်တုံ့ပြန်ရေးလုပ်ငန်းများ၊ ထောက်ပံ့ကူညီရေးလုပ်ငန်းများ၊ ပြန်လည်ထူထောင်ရေးလုပ်ငန်းများကို သက်ဆိုင်ရာဝန်ကြီးဌာနများ၊ တိုင်းဒေသကြီး/ပြည်နယ်အစိုးရအဖွဲ့များနှင့်အတူ ပူးပေါင်းဆောင်ရွက်လျက်ရှိပြီး ၂၀၂၁-၂၀၂၂ (၆)လဘတ်ဂျက်ကာလအတွင်း လေပြင်းဒဏ်ပိုမိုခံနိုင်ရည်ရှိသည့် အိုးအိမ်များဖြစ်စေရေး အားဖြည့်၊ မွမ်းမံ၊ ပြင်ဆင်ခြင်းလုပ်ငန်းအနေဖြင့် ပျော်ဘွယ်မြို့နယ်နှင့် ရမည်းသင်းမြို့နယ်တို့တွင် ရပ်ကွက်(၂)ခု၊ ကျေးရွာ (၁၈၅)ရွာရှိ အိမ်ခြေ (၁,၉၅၈)လုံးအတွက် ရန်ပုံငွေကျပ်(၉၉.၈၆၉)သန်း ကျခံသုံးစွဲဆောင်ရွက်ပေးနိုင်ခဲ့ပါကြောင်း၊ ကလေးသူငယ်အခွင့်အရေးများကိုကလေးများကိုယ်တိုင်သာမက ကလေးသူငယ်များအရေးကို ဖော်ဆောင်လျက်ရှိသည့် သက်ဆိုင်ရာအစိုးရဌာနများ၊ အရပ်ဘက်အဖွဲ့အစည်းများ၊ ရပ်ရွာပြည်သူလူထုများပါ ကျယ်ကျယ်ပြန့်ပြန့်သိရှိနားလည်စေရေး၊ သဘာဝဘေးအသိပညာပေးဆောင်ရွက်ခြင်းဖြင့် ကလေးအရွယ်မှစ၍ သဘာဝဘေးအန္တရာယ်များနှင့်ပတ်သက်၍ သိရှိနားလည်မှုရလာမည်ဖြစ်ကာ၎င်းတို့မှတစ်ဆင့်မိသားစုများ၊ ရပ်ရွာများအတွင်းသဘာဝဘေးအသိပညာများပြန့်ပွားစေရေး၊ မူးယစ်ဆေးဝါးနှင့်ပတ်သက်သည့် ဆိုးကျိုးများကိုသိရှိရှောင်ရှားနိုင်စေရေး၊လူကုန်ကူးမှုနှင့်ပတ်သက်၍ အခြေခံအချက်အလက်များ၊ အသိပညာဗဟုသုတများကိုမျှဝေပေးနိုင်ရေး၊ လူမှုဝန်ထမ်းလုပ်ငန်းများ ထိရောက်ကျယ်ပြန့်စွာဆောင်ရွက်နိုင်ရေး၊ ဘေးအန္တရာယ်ကိုကြံ့ကြံ့ခံရင်ဆိုင်နိုင်စွမ်းရှိသည့် လူ့အဖွဲ့အစည်းတစ်ရပ်ဖြစ်လာစေရေး၊ ထိခိုက်လွယ်အုပ်စုများကိုပိုမိုပံ့ပိုးနိုင်ရေး၊ အုပ်ချုပ်ရေးအဖွဲ့အစည်းများ လူမှုရေးအဖွဲ့အစည်းများနှင့် သက်ဆိုင်ပါဝင်သူအားလုံးက ဆက်လက်ဝိုင်းဝန်းပူးပေါင်း ဆောင်ရွက်ကြစေလိုပါကြောင်း စသည်ဖြင့်ပြောကြားခဲ့ပါသည်။ ဆက်လက်၍ ဒုတိယဝန်ကြီး ဦးအောင်ထွန်းခိုင်နှင့် မန္တလေးတိုင်းဒေသကြီးအစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး၊ဗိုလ်မှူးကြီးကျော်ကျော်မင်းတို့က အမှာစကားများအသီးသီးပြောကြားခဲ့ကြပြီး ပြည်ထောင်စုဝန်ကြီးနှင့် တာဝန်ရှိသူများက မန္တလေးတိုင်းဒေသကြီးအတွင်းရှိ အသက်(၈၅)နှစ်နှင့်အထက်ဘိုးဘွား (၃၁,၂၉၉)ဦးအတွက်လူမှုရေးပင်စင်ထောက်ပံ့ငွေကျပ် (၉၃၈,၉၇၀,၀၀၀/)၊ မန္တလေးတိုင်းဒေသကြီးအတွင်းရှိ တည်ထောင်ခွင့်ပြုမိန့်ရ ပရဟိတဂေဟာ(၂)ခုနှင့် ဘိုးဘွားရိပ်သာ(၁၂)ခု အတွက် ထောက်ပံ့ငွေကျပ် (၅၀,၉၂၈,၀၀၀/-)စသည်ဖြင့် စုစုပေါင်းထောက်ပံ့ငွေကျပ်(၉၈၉,၈၉၈,၀၀၀/-)အား မန္တလေးတိုင်း ဒေသကြီးအစိုးရအဖွဲ့တာဝန်ရှိသူများထံ ထောက်ပံ့ပေးအပ်ခဲ့ကြပါသည်။ ထို့နောက် တက်ရောက်လာသည့် စေတနာ့ဝန်ထမ်းအဖွဲ့အစည်းများကိုယ်စား ကျောက်ဆည်မြို့ ရွှေစေတီဘိုးဘွားရိပ်သာမှ အုပ်ချုပ်ရေးမှူး ဦးထူးထူးက ကျေးဇူးတင်စကားပြန်လည်ပြောကြားခဲ့ပြီး ပြည်ထောင်စုဝန်ကြီး၊ မန္တလေးတိုင်းဒေသကြီးအစိုးရအဖွဲ့ တာဝန်ရှိသူများက တက်ရောက်လာသည့် ဘိုးဘွားများထံ ထောက်ပံ့ငွေများကို လက်ဝယ်အရောက်ပေးအပ်ခဲ့ပြီး အခမ်းအနားကို အောင်မြင်စွာရုပ်သိမ်းခဲ့ကြောင်းသတင်းရရှိပါသည်။