စစ်ကိုင်းတိုင်းဒေသကြီးအတွင်း မသန်စွမ်းသူများနှင့် ပတ်သက်သည့် အသိပညာပေး သင်တန်းဖွင့်ပွဲအခမ်းအနား
စစ်ကိုင်းတိုင်းဒေသကြီးအတွင်းတွင် မသန်စွမ်းသူများနှင့် ပတ်သက်သည့် အသိပညာပေး သင်တန်းဖွင့်ပွဲ အခမ်းအနားကို (၁၅.၈.၂၀၂၂) ရက်နေ့တွင် စစ်ကိုင်းတိုင်းဒေသကြီး အစိုးရအဖွဲ့ရုံး၊ ချင်းတွင်းခန်းမတွင် ကျင်းပပြုလုပ်ခဲ့ရာ တက်ရောက်သူစုစုပေါင်း (၆၂) ဦး တက်ရောက်ခဲ့ပါသည်။ ထိုအခမ်းအနားတွင် စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ်က အဖွင့်အမှာစကားပြောကြားပြီး စစ်ကိုင်းတိုင်းဒေသကြီး မသန်စွမ်းသူများ၏ အခွင့်အရေးများဆိုင်ရာကော်မတီအတွင်းရေးမှူးက မသန်စွမ်းသူများနှင့်ပတ်သက်၍ အသိပညာပေးသင်တန်းဖွင့်လှစ်ရခြင်းအကြောင်းကို ရှင်းလင်းတင်ပြပြီး စုပေါင်းမှတ်တမ်းတင်ဓာတ်ပုံရိုက်ကူးခဲ့ပါသည်။
ထို့နောက် အသိပညာပေးသင်တန်းတွင် စစ်ကိုင်းတိုင်းဒေသကြီး၊ လူမှုဝန်ထမ်းရုံးမှ ညွှန်ကြားရေးမှူးက ကုလသမဂ္ဂမသန်စွမ်းသူများ အခွင့်အရေးဆိုင်ရာသဘောတူစာချုပ် (UNCRPD)၊ မသန်စွမ်းအမျိုးအစားများနှင့် ၎င်းတို့၏လိုအပ်ချက်များနှင့် အတားအဆီးကင်းမဲ့ခြင်းကိုလည်းကောင်း လက်ထောက်ညွှန်ကြားရေးမှူးက မသန်စွမ်းသူများ၏အခွင့်အရေးဥပဒေ (၂၀၁၅) ခုနှစ်ကိုလည်းကောင်း ရှင်းလင်းပြောကြားခဲ့ပါသည်။
