မွန်ပြည်နယ်၊ မော်လမြိုင်မြို့၊ ပြည်နယ်ခန်းမ၌ ကျင်းပပြုလုပ်သည့် အပြည်ပြည်ဆိုင်ရာအမျိုးသမီးများနေ့ အခမ်းအနားကျင်းပပြီးစီးမှု မှတ်တမ်း

  မွန်ပြည်နယ်အမျိုးသမီးကော်မတီမှ ကြီးမှူး၍ အပြည်ပြည်ဆိုင်ရာ အမျိုးသမီးများနေ့ အခမ်းအနားကို (၈.၃.၂၀၂၃) ရက်နေ့၊ မွန်းလွဲ (၁၃:၀၀) နာရီ အချိန်တွင် မော်လမြိုင်မြို့၊ ပြည်နယ် ခန်းမ၌ ကျင်းပပြုလုပ်ခဲ့ပါသည်။ အခမ်းအနားတွင် မွန်ပြည်နယ်ဝန်ကြီးချုပ် ဦးအောင်ကြည်သိန်းက အဖွင့်အမှာစကား ပြောကြားပြီး မော်လမြိုင်မြို့၊ အမှတ် (၃) မူလတန်းကြိုကျောင်းမှ သားငယ်/ သမီးငယ်လေးများက "ဘွန္တော" တေးသီချင်းဖြင့် တေးသရုပ်ဖော် ဖျော်ဖြေတင်ဆက်ခြင်း၊ မော်လမြိုင်လူငယ်သင်တန်းကျောင်း၊ ကျောင်းသားလေးများမှ "စိတ်မညစ်နဲ့" တေးသီချင်းကို ကိုယ်တိုင်တီးခတ် ဖျော်ဖြေတင်ဆက်ခြင်းနှင့် "ဗိုဗီနမ်သိုင်း" ဖြင့် သရုပ်ပြသပြီး အခမ်းအနားကို မွန်းလွဲ (၁၃:၄၅) နာရီတွင် ရုပ်သိမ်းခဲ့ပါသည်။ အခမ်းအနားအပြီးတွင် မွန်ပြည်နယ်ဝန်ကြီးချုပ်နှင့် ဧည့်သည်တော်များက ခန်းမအတွင်း ခင်းကျင်းပြသထားသော အိမ်တွင်းမှုသက်မွေးလုပ်ငန်း ပညာသင်ကျောင်းနှင့်အကြမ်းဖက်ခံရသော အမျိုးသမီးများအားတစ်နေရာတည်းတွင် ဝန်ဆောင်မှု ပေးသည့်စင်တာ (OSWSC) မှ အမျိုးသမီးငယ်များ၏ ထုတ်ကုန်များပြသထားမှု၊ ပြည်နယ်မိခင်နှင့် ကလေးစောင့်ရှောက်မှု ကြီးကြပ်ရေးအဖွဲ့၊ ပြည်နယ် အမျိုးသမီးရေးရာအဖွဲ့တို့မှ ခင်းကျင်းပြသ ထားသော မှတ်တမ်းများအား လှည့်လည်ကြည့်ရှုပြီး ပြခန်းတာဝန်ခံများအား အားပေးစကားများ ပြောကြားခဲ့ပါသည်။ အဆိုပါ အခမ်းအနားသို့ မွန်ပြည်နယ်အစိုးရအဖွဲ့ ဝန်ကြီးချုပ်နှင့်ဇနီး၊ ပြည်နယ်တရားလွှတ်တော်တရားသူကြီးချုပ်နှင့် အစိုးရအဖွဲ့ဝင် ဝန်ကြီးများနှင့်ဇနီးများ၊ ပြည်နယ် အမျိုးသမီးကော်မတီဝင်များ၊ ပြည်နယ်အဆင့်ဌာနဆိုင်ရာများ၊ လူမှုရေးလုပ်ငန်းများ ဆောင်ရွက်နေသော ပြည်တွင်း/ ပြည်ပ လူမှုရေးအဖွဲ့အစည်းများ၊ သူနာပြုတက္ကသိုလ်မှ သင်တန်းသား/ သူများ၊ လူမှုဝန်ထမ်းဦးစီးဌာနမှ တာဝန်ရှိသူများ အိမ်တွင်းမှုသက်မွေးလုပ်ငန်း ပညာသင်ကျောင်းမှ ကျောင်းသူများ၊ မော်လမြိုင်လူငယ်သင်တန်းကျောင်းမှကျောင်းသားများ စုစုပေါင်း အင်အား (၂၅၀) ဦး တက်ရောက်ခဲ့ကြပါသည်။

FacebookTwitter